გურიაში დიდთოვლობაა. მაღალმთიან სოფლებში თოვლის საფარი 2 მეტრს, ხოლო ბარში ნახევრ მეტრს აღემატება. ინტესნიური თოვლის გამო შეფერხებებია ცენტრალურ საავტომობილო გზებზე და გახშირებულია ავტოსაგზაო შემთხვევები.
ამ დროის მონაცემებით ოზურგეთის-ჩოხატაურის გზაზე 7 ავარია დაფიქსირდა. 4 ავტოსაგზაო შემთხვევა მოხდა საჯავახოს გზაზე.
შპს "გზამშენი 18"-ის ხელმძღვანელის თემურ ჯახვას ინფორმაციით, ცენტრალური საავტომობილო გზები ყველა მიმართულებით იწმინდება:
_ საჯავახოს გზა სრულად არის გაწმენდილი. ასევე იწმინდება ნაბეღლავი-ბახმაროს გზა, სადაც სამხიდიანი გრეიდერი მუშაობს. ტექნიკა უკვე ჩავიდა აცანაში და დაწყებულია გზის გაწმენდა. ნატანების მიმართულებით ორი ტრაქტორი მუშაობს, ხოლო ჭანიეთის მიმართულებაზე _ ერთი. ტექნიკა მიდის ჯუმათის მიმართულებით. ინტენსიურად იწმინდება ოზურგეთის-ჩოხატაურის დამაკავშირებელი ცენტრალური საავტომობილო გზა. ნასაკირალის უღელტეხილზე მარილიც დაიყარა, _ ამბობს თემურ ჯახვა.
კომპანიის დირექტორი მძღოლებს სთხოვს, რომ ზამთრისთვის განკუთვნილი საბურავებით და მოცურების საწინააღმდეგო ჯაჭვებით იმოძრაონ.
