გვაინტერესებდა, რატომ მიატოვეს ზესტაფონის საპატრულო პოლიციის თანამშრომლებმა ოქმის დაწერა და სად გაიქცნენ უმისამართოდ.
_ გავარკვევთ და დაგირეკავთ, _ გვიპასუხა მახარაძემ მაშინ.
როგორც ვასილ დაბრუნდაშვილი ჩვენთან საუბრისას ამბობდა, მას ჟურნალისტური საქმიანობის დროს, ხელი მისთვის უცნობმა ჯგუფმა შეუშალა, რომლებიც მედიაჯგუფის სახელით მოქმედებდნენ.
“რადგან არ გვაცადეს მუშაობა, დავუკავშირდით საპატრულო პოლიციას. ისინი მოვიდნენ, ოქმის წერაც დაიწყეს, მაგრამ რამდენიმე წუთის შემდეგ შეაჩერეს ოქმის წერა, არც კი გავჩვენეს რა დაწერეს, არც ხელი მოგვაწერინეს და ახსნა-განმარტების გარეშე წავიდნენ. _ თქვა ჩვენთან საუბრისას ვასილ დაბრუნდაშვილმა.
სალომე მახარაძეს კვლავ დავურეკეთ
_ ხვალ დაგირეკავთ და გეტყვით პასუხს, _ ისევ დაგვაიმედა მან.
ამასობაში, საპატრულო პოლიციის მხრიდან, კიდევ ერთი, რეაგირების გარეშე დარჩენილი ფაქტი დაფიქსირდა და ჩვენც კიდევ ერთხელ და უკვე ვინ იცის, მერამდენედ დავუკავშირდით
_ ქალბატონო სალომე, კიდევ ერთი კითხვა გვაქვს. ბოლნისში, სოფელ რაჭისუბანში, მწვანე მაისურებიანმა ჟურნალისტებმა სცადეს “ქართული ოცნების” აქციის ჩაშლა, ამავე კოალიციის წარმომადგენლებმა პროვოკაციის თავიდან ასაცილებლად, პატრული გამოიძახეს, ისინი არ მივიდნენ. ხომ არ გაუქმებულა საპატრულო პოლიცია? რატომ არ მიდიან გამოძახებისას?
_ პატრულის რეაგირებასთან დაკავშირებით, მოვიკითხავ, არაფერი არ გაუქმდა, რა თქმა უნდა, დაგირეკავთ, _ გვითხრა მან.
30 წუთის შემდეგ, ჩვენ კიდევ ვცადეთ სალომე მახარაძესთან დაკავშირება, მაგრამ თუ ადრე გვპასუხობდა და გვაიმედებდა მაინც, ახლა რამდენიმე ზარის შემდეგ, ტელეფონი გათიშა
