გაწმენდილი გზები და კარგი ამინდი

დღეს, დილიდან ოზურგეთის მუნიციპალიტეტის უმრავლეს სოფლებში გზები გაწმენდილია და ტრანსპორტი შეუფერხებლად მოძრაობს.  რაც მთავარია, მზიანი დღე გათენდა და  გურიას სტიქია  აღარ უტევს.

გუშინ,  29 იანვარს ღამის საათებშიც მუშაობდა გამწმენდი ტექნიკა სოფლების:  ჭანიეთის, ლიხაურის და ქაქუთის მიმართულებით, სადაც  სოფლის ცენტრალური გზის გარდა,  არაერთი შიდა გზა გასუფთავდა ისე, რომ ტრანსპორტის გადაადგილება შესაძლებელი გახდა.  გაიწმინდა ცენტრალური გზა  ბათუმის მიმართულებით.

_ მუნიციპალიტეტის ხელმძღვანელობა, პირადად გამგებელი მერაბ ჭანუყვაძე  აკვირდებოდა და ყურადღების გარეშე არ ტოვებდა გზების მდგომარეობას.  შესაძლებლობისამებრ, ყველაფერი  გაკეთდა. ახლა ლიპყინულიც დევს და მთავარია, როგორც მძღოლებმა, ისე ფეხით მოსიარულეებმა, მოძრაობისას სიფრთხილე გამოიჩინონ, _ გვითხრა ოზურგეთის მუნიციპალიტეტის გამგებლის წარმომადგენელმა სოფელ ჭანიეთში მერაბ ბერაძემ.