ქალაქ ოზურგეთის მუნიციპალიტეტის დაქვემდებარებაში მყოფ ა(ა)იპ-ებში თანამშრომელთა ოპტიმიზაციის პროცესი მიმდინარეობს.
ქალაქ ოზურგეთის მუნიციპალიტეტის მერიას 14 ა(ა)იპ ექვემდებარება. ოფიციალური ინფორმაციით, ამ ეტაპზე ა(ა)იპ-ში შტატით დასაქმებულია _414, შტატგარეშედ _ 426, სულ _ 840 თანამშრომელი.
როგორც „გურია ნიუსს“ ქალაქ ოზურგეთის მუნიციპალიტეტის მერიაში ოფიციალურად პასუხობენ ა(ა)იპ-ების შიდა სტრუქტურულ რეორგანიზაციას ატარებენ თავად ა(ა)იპ-ის ხელმძღვანელები და არა ქალაქ ოზურგეთის მუნიციპალიტეტის მერია:
“მთავრობის გადაწყვეტილების თანახმად, იმისთვის, რომ სახელმწიფო აპარატი იყოს მაქსიმალურად მოქნილი, ეფექტიანი და მისი ხარჯები მინიმალურ ტვირთად აწვებოდეს სახელმწიფო ბიუჯეტს, საჭიროა, შესაბამისი, ქმედითი ნაბიჯების გადადგმა. 2017 წლის ბიუჯეტით მნიშვნელოვნად შეიკვეცა ადმინისტრაციული ხარჯები, მაშინ, როცა წარსულში ნებისმიერი ხელისუფლების პირობებში ადმინისტრაციული ხარჯი თანდათან იზრდებოდა. ამ ღონისძიებების შედეგად კი ბიუჯეტი ათეულობით მილიონ ლარს დაზოგავს.
ყოველივე ზემოთ ქმულიდან გამომდინარე, 2017 წლის სახელმწიფო ბიუჯეტის მერვე მუხლის თანახმად, მუნიციპალიტეტებს დაევალათ სათანადო ღონისძიებების გატარება, რათა 2017 წლის ბიუჯეტის დაფინანსებაზე მყოფ საბიუჯეტო ორგანიზაციებში ადმინისტრაციული/საოპერაციო ხარჯები შეადგენდეს, არაუმეტეს, მიმდინარე წლის საკასო შესრულების მაჩვენებლის 90%-ს.
შესაბამისად, ქალაქ ოზურგეთის მუნიციპალიტეტმა მის დაფინანსებაზე მყოფ ა(ა)იპ-ებს ადმინისტრაციული ხარჯები შეუმცირა. აქედან გამომდინარე, თავად ა(ა)იპ-ებმა გადაწყვიტეს შიდა სტრუქტურული რეორგანიზაცია ჩაეტარებინათ. თუმცა, თანხის შემცირება არცერთ შემთხვევაში არ შეუშლის ხელს აღნიშნული ორგანიზაციების სრულყოფილად ფუნქციონირებას“_აცხადებენ ქალაქ ოზურგეთის მუნიციპალიტეტში.
ა(ა)იპ-ებში რეორგანიზაციის პროცესი იანვარში დაიწყო. დღეის მდგომარეობით, მიმდინარეობს რეორგანიზაციის პროცესი. აქედან გამომდინარე, მერიაში არ აქვთ ზუსტი ციფრი, რამდენი თანამშრომელი დატოვებს სამსახურს:
“საბოლოო სურათი ცნობილი რეორგანიზაციის პროცესის დასრულების შემდეგ იქნება. პროცესის უშუალო დეტალებს თავად ა(ა)იპ-ები წყვეტენ, მათი საჭიროებებიდან გამომდინარე. რაც შეეხება განცხადებებს, თანამშრომლები განცხადებებს კი არ წერენ, პირიქით, გაფრთხილებას იღებენ დირექტორისგან, შესაძლო გათავისუფლების შესახებ“, _ აღნიშნავენ ქალაქ ოზურგეთის მუნიციპალიტეტის მერიაში.
ოფიციალური ინფორმაციის თანახმად, ქალაქ ოზურგეთის მუნიციპალიტეტის მერიაში დაქვემდებარებული 14 ა(ა)იპ დასაქმებულების რაოდენობა ამ ეტაპზე კონკრეტულად ასეთია:
ა(ა)იპ ,,ქალაქ ოზურგეთის მუნიციპალიტეტის სკოლამდელი სააღმზრდელო-საგანმანათლებლო ცენტრში“, შტატით დასაქმებულია 215, შტატგარეშე _ 44 , სულ- 259 თანამშრომელი. ა(ა)იპ „ქალაქ ოზურგეთის მუნიციპალიტეტის კულტურისა და მოსწავლე-ახალგაზრდობის ცენტრში“, შტატით დასაქმებულია 10 თანამშრომელი, შტატგარეშე _ 89 , სულ _ 99 თანამშრომელი. ა(ა)იპ „ქალაქ ოზურგეთის მუნიციპალიტეტის გრიგოლ კილაძის სახელობის მუსიკალური სკოლას“, სადაც შტატით დასაქმებული _ 37, შტატგარეშე _ 2, სულ, 39 თანამშრომელი ჰყავს. ა(ა)იპ „ქალაქ ოზურგეთის მუნიციპალიტეტის სამხატვრო სკოლაში“, შტატით დასაქმებულია _ 4 , შტატგარეშე _ 12 , სულ კი 16 თანამშრომელი. ა(ა)იპ მერაბ ბერძენიშვილის სახელობის ქალაქ ოზურგეთის მუნიციპალიტეტის თანამედროვე სახვითი ხელოვნების ცენტრში, შტატით დასაქმებულია _ 8 თანამშრომელი, შტატგარეშე _10, სულ _ 18 თანამშრომელი. ა(ა)იპ „ოზურგეთის მუნიციპალიტეტის ცენტრალური ბიბლიოთეკას“ , სადაც შტატით დასაქმებულია _ 6, შტატგარეშე _ 15 , სულ 21 თანამშრომელი ჰყავს. ა(ა)იპ „ქალაქ ოზურგეთის მუნიციპალიტეტის მერიის კულტურისა და დასვენების პარკს“, შტატით დასაქმებული _ 2, შტატგარეშე _ 12, სულ 14 თანამშრომელი ჰყავს, ა(ა)იპ „ქალაქ ოზურგეთის მუნიციპალიტეტის ჯუმბერ დუნდუას სახელობის ქართული ხალხური ცეკვების სახელმწიფო ანსამბლ გურიაში“ , შტატით დასაქმებულია _ 42, შტატგარეშე _ 0, სულ 42 თანამშრომელია, ა(ა)იპ „ქალაქ ოზურგეთის მუნიციპალიტეტის თოჯინებისა და მოზარდ მაყურებელთა პროფესიული თეატრში", შტატით დასაქმებულია _ 13, შტატგარეშე _ 2, სულ 15 თანამშრომელი. ა(ა)იპ „თვითმმართველი ქალაქი ოზურგეთის მუნიციპალიტეტის ისტორიული მუზეუმში “, სადაც შტატით დასაქმებულია _ 6 , შტატგარეშე _ 14 , სულ 20 თანამშრომელი. ა(ა)იპ „ქალაქ ოზურგეთის მუნიციპალიტეტის გაერთიანებული სპორტის განვითარების ცენტრში, შტატით დასაქმებულია _ 58 , შტატგარეშე _ 18 , სულ 76 თანამშრომელი ჰყავს. ა(ა)იპ „ქალაქ ოზურგეთის მუნიციპალიტეტის რაგბის განვითარების კავშირს“, შტატით დასაქმებული _ 4 , შტატგარეშე _ 32, სულ 36 თანამშრომელი ჰყავს; ა(ა)იპ „ქალაქ ოზურგეთის მუნიციპალიტეტის საფეხბურთო კლუბ მერცხალს“ შტატით დასაქმებული _ 2, შტატგარეშე _ 25, სულ 27 თანამშრომელი ჰყავს. „ თვითმმართველი ქალაქი _ ქალაქ ოზურგეთის მუნიციპალიტეტის ა(ა)იპ ოზურგეთის სერვისცენტრში“, შტატით დასაქმებულია _ 7, შტატგარეშე _ 151, სულ 158 თანამშრომელია.
