“ნაბიჯი გენდერული თანასწორობისათვის” _ რა კეთდება რეგიონებში მოსახლეობის ცნობიერების ასამაღლებლად

„ნაბიჯი გენდერული თანასწორობისთვის – სამცხე-ჯავახეთსა და ქვემო ქართლში არსებული გამოწვევები და ურთიერთთანამშრომლობის პერსპექტივები“ – ამ თემაზე თბილისში კონფერენცია გაიმართა.

კონფერენციაზე  პროექტის ფარგლებში განხორციელებული აქტივობების ამსახველი ფოტო გამოფენა მოეწყო. საქართველოს 4 მუნიციპალიტეტში შექმნილი ახალგაზრდული გენდერული კლუბების წევრებმა და მასწავლებლებმა სამიზნე რეგიონებიდან ისაუბრეს განხორციელებულ აქტივობებზე და იდენტიფიცირებულ პრობლემებზე.

გაიმართა  დოკუმენტური ფილმის  ,,გიულარ იბრაგიმოვა“ ჩვენება,  რომელიც გადაღებულია  ამავე  პროექტის ფარგლებში „ქალები რეგიონიდან“.  ღონისძიების დასკვნით ნაწილში კი, გაიმართა დისკუსია ქალთა მიმართ დისკრიმინაციის აღმოფხვრის მიმართულებით სხვადასხვა სექტორებს შორის თანამშრომლობის პერსპექტივებზე.

კონფერენციას დაესწრნენ – პარლამენტის, მთავრობის, დიპლომატიური კორპუსის, გენდერული თანასწორობის საკითხებზე მომუშავე ადგილობრივი და საერთაშორისო ორგანიზაციების წარმომადგენლები.

კონფერენცია ჩატარდა პროექტის ფარგლებში რომლის სახელწოდებაა ,,ნაბიჯი გენდერული თანასწორობისათვის“, რომელიც  ეთნიკური უმცირესობებით დასახლებულ რეგიონებში სამცხე-ჯავახეთის მედია ცენტრმა (SJMC),შვედეთის საერთაშორისო განვითარების სააგენტოს(Sida) და ამერიკის ეროვნულ-დემოკრატიული ინსტიტუტის NDI-ის მხარდაჭერით განახორციელა.