ჩოხატაურში, პოლიციის უფროსად ტატო ვასაძე დანიშნეს, რომელიც მანამდე სპეციალური ოპერატიული დეპარტამენტის გურიის განყოფილების ხელმძღვანელი იყო. თუმცა, მერაბიშვილის გადადგომამდე სამი დღით ადრე, დააქვეითეს და ჩოხატაურის პოლიციის უფროსის მოადგილედ დანიშნეს რწმუნებულების ხაზით.
ვასაძის პოლიციის უფროსად დანიშვნამ, კიდევ ერთხელ ცხადჰყო, რომ ახალაია ხელმძღვანელ თანამდებობაზე ცემაში და ხალხის დატერორებაში დახელოვნებულ ადამიანებს ნიშნავს.
ტატო ვასაძე ის კადრია, რომელიც ჟურნალისტს ფიზიკურად მხოლოდ იმიტომ გაუსწორდა, რომ იგი პოლიციის შენობაში შესვლას, პოლიციის უფროსის თანხმობით (მაშინ პოლიციის უფროსი, ტატო ვასაძის მამა, გულთმისან ვასაძე გახლდათ) აპირებდა. იყო შემთხვევა, როცა ვასაძე სასურველი ჩვენების მიღებას იარაღის მუქარითაც ცდილობდა და უფრო მეტიც, ჩოხატაურში, რესტორან “ბახმაროსთან”, ნასვამ მდგომარეობაში მყოფი, იარაღის ფრიალით ცდილობდა ხალხის დაშინებას.
ტატო ვასაძეს საარჩევნო გამოცდილებაც აქვს _ გასულ არჩევნებზე, თანამოაზრეებთან ერთად, ე.წ. “ძველბიჭებთან” კარდაკარ დადიოდა და ხელისუფლების მხარდაჭერას აიძულებდა, წინააღმდეგ შემთხვევაში კი, ციხით ემუქრებოდა.
ჩოხატაურელების ნაწილი, პოლიციის ახალი უფროსის წარსულის გათვალისწინებით, მიიჩნევს, რომ ადვილი სავარაუდოა, მალე საარჩევნო რეპრესიები დაიწყოს.
