101 ხმით 10-ის წინააღმდეგ საკონსტიტუციო სასამართლოს მოსამართლედ დღეს "ქართული ოცნების: წევრი მანანა კობახიძე დაამტკიცეს. დღევანდელ სხდომაზე, მას დეპუტატის უფლებამოსილებას შეუჩერდა.
პარლამენტში მანანა კობახიძის ადგილს ანრი ოხანაშვილი დაიკავებს, რომელიც ამჟამად პარლამენტის აპარატის უფროსია.
ოხანაშვილის ბიოგრაფია, რომელიც პარლამენტის ვებგვერდზეა გამოქვეყნებული ასე გამოიყურება:
სამართალმცოდნეობის ბაკალავრი, სამართალმცოდნეობის მაგისტრი, LL.M.-იენა, დოქტორანტი სისხლის სამართლის მიმართულებით.
2008 – სამართალმცოდნეობის მაგისტრი, ივანე ჯავახიშვილის სახელობის თბილისის სახელმწიფო უნივერსიტეტი, იურიდიული ფაკულტეტი;
2012-დან დღემდე დოქტორანტი, ბერლინის ჰუმბოლდტის უნივერსიტეტი, იურიდიული ფაკულტეტი.
2008-2012 წლები – სამეცნიერო სტიპენდიატი გერმანიის წამყვან უნივერსიტეტებში:
სამეცნიერო მკვლევარი, ბერლინის ჰუმბოლდტის უნივერსიტეტი, იურიდიული ფაკულტეტი (გერმანია);
2008-2009 წლებში იყო ქართველოლოგიის, ჰუმანიტარული და სოციალური მეცნიერებების ფონდის („რუსთაველის ფონდი“) პროექტის „ევროპული სისხლის სამართლის განვითარებისათვის საქართველოში“ სამეცნიერო შემსრულებელი.
2015 წლიდან არის საერთაშორისო სამართლებრივი თანამშრომლობის გერმანული ფონდის (IRZ) პროექტის ფარგლებში არსებული „ქართულ-გერმანული სისხლის სამართლის ელექტრონული ჟურნალის“ (DGStZ) მთავარი რედაქტორი (Schriftleiter)
ანრი ოხანაშვილი არის ავტორი სამეცნიერო პუბლიკაციისა და ანგარიშებისა: „იურიდიული პირის სისხლისსამართლებრივი პასუხისმგებლობა – ქართული და ზოგიერთი უცხოური კანონმდებლობის შედარებითი ანალიზი (სამართლის ჟურნალი N2 2009); „თანაამსრულებლობის დასაბუთება მოქმედებაზე ფუნქციონალური ბატონობით“ (გურამ ნაჭყებიას 75 წლისადმი მიღძვნილი საიუბილეო კრებული, 2016); „ანგარიში ქართველ და გერმანელ სისხლის სამართლის პროფესორთა მეორე პროფესიული შეხვედრის შესახებ: „სისხლის სამართლის მეცნიერება გაერთიანებულ ევროპაში“ (ანრი ოხანაშვილი, მარიო შუტცე, გერმანულ-ქართული სისხლის სამართლის ელექტრონული ჟურნალი (DGStZ), 1/2016).
ფლობს გერმანულ, რუსულ და ინგლისურ ენებს.
