”შიდა ქართლის ხუთ სოფელში, მოსახლეობასა და ოპოზიციური გაერთიანების წარმოამდგენლებს გარდა, დაპირისპირებაში ადგილობრივი თვითმმართველობის წარმომადგენლებიც მონაწილეობდნენ. ისინი სიტყვიერ და ფიზიკურ შეურაცხყოფას აყენებდნენ, როგორც პოლიტიკურ ლიდერებს, ისე ჟურნალისტებს-ნათქვამია ორგანიზაციის მიერ გავრცელებულ განცხადებაში.
“საერთაშორისო გამჭვირვალობა – საქართველომ” მათ მიერ ვიდეოკადრებში ამოცნობილი პირების სია გამოაქვეყნა, რომლებიც ამ შეხვედრების დროს განსაკუთრებული აგრესიით გამოირჩეოდდნენ.
12 ივლისი, შიდა ქართლი: კარალეთის დევნილთა დასახლება
ლევან მაისურაძე – დასახლების რწმუნებული. ძმები გოგიტა და გიგა გოჩაშვილები – ერედვის და ქურთის მუნიციპალიტეტის წარმომადგენლები.გია ჭულუხაძე – დევნილთა დასახლების მამასახლისი. ასევე ვანო მიდოდაშვილი, ბესო კახნიაშვილი – ადგილობრივი ხელისუფლების წარმომადგენლები. ყველა მათგანი უშუალოდ მონაწილეობდა ფიზიკურ დაპირისპირებაში.
10 ივლისი, შიდა ქართლი: სოფელი შინდისი
ირმა პაპუნაშვილი (ტერიტორიული ორგანოს მთავარი სპეციალისტი), მისი შვილი და მეგობრები ყვირიან, თხოვენ სოფლის დატოვებას და ხელს უშლიან შევხდრის გამართვაში.
10 ივლისი, შიდა ქართლი: სოფელი ნოქოზი
ილია მინდიაშვილი (რწმუნებული) მისი ორი და, ბიძაშვილის ცოლი”ქართული ოცნების” აქტივისტებს, მათ შორის კახა კალაძეს და ნინელი ჭანკვეტაძეს სოფელში დახვდნენ მხარდამჭერებით, არ მისცეს შეხვედრის გაგრძელებს საშუალება და მოსთხოვეს ტერიტორიის დატოვება.
10 ივლისი, შიდა ქართლი: სოფელი ვარიანი
იზა კოკაური (საკრებულოს თანამშრომელი, ტერიტორიული ორგანოს მთავარი სპეციალისტი), თაკო კოკაური (მისი შვილი, პედაგოგი და საარჩევნო კომისიის წევრი) – ყვირიან, ითხოვენ სოფლის დატოვებას და ხელს უშლიან შეხვედრის გამართვას
• 26 ივნისი, შიდა ქართლი: სოფელი მერეთი
ლევან ბიძინაშვილი – გორის მუნიციპალიტეტის გამგეობის მთავარი სპეციალისტი – მონაწილეობდა ფიზიკურ დაპირისპირებაში. ვასიკო თევდორაშვილი – სოფელ მერეთის ტერიტორიული ორგანოს რწმუნებული – ეპაექრება ირაკლი ალასანიას. კახა ლომიძე – სახელმწიფო რწმუნებული-გუბერნატორის აპარატის საგანგებო სამსახურის უფროსი – მონაწილეობს ფიზიკურ დაპირისპირებაში. ელდარ ელბაქიძე – საგანგებო სამსახურის თანამშრომელი – ასევე უშუალო მონაწილეა ფიზიკური დაპირისპირების. საგანგებო სამსახურის სხვა თანამშრომლები – მონაწილეობას იღებენ ფიზიკურ დაპირისპირებაში. მზია ტურაშვილი – მერეთის ტერიტორიული ორგანოს მთავარი სპეციალისტი – ყვირის და მოუწოდებს აქტივისტებს სოფელი დატოვონ. გოჩა გვიმრაძე – მისი სტატუსი დაუდგენელია. ყვირის და მობილიზებას უკეთებს “ნაციონალური მოძრაობის” აქტივისტებს.
• 22 ივლისი, კახეთი: ლაგოდეხი
გოგა ხაჩიძე – გარემოს დაცვის მინისტრი, “ქართული ოცნების” წარმომადგენლებისაგან აგრესიულად მოითხოვს გაატარონ, რადგან არის მინისტრი, მთავრობის წევრი და უნდა გაუშვან, რათა შეხვდეს “ქართული ოცნების” ლიდერს.
საერთაშორისო გამჭვირვალობა ადგილობრივი თვითმმართველობის ორგანოებს, რომლებიც უმეტეს შემთხვევებში ორგანიზებას უკეთებენ და თავადაც მონაწილეობენ შეხვედრების ჩაშლაში, საარჩვენო კოდექსის დაცვისაკენ მოუწოდებს.
”საქართველოს ორგანული კანონის “საქართველოს საარჩევნო კოდექსის” 45-ე მუხლის მე-6 პუნქტის თანახმად, “ადგილობრივი თვითმმართველობის ორგანოები ვალდებული არიან, ხელი შეუწყონ საარჩევნო სუბიექტებსა მომრჩევლებთან შეხვედრებისა და კრებების, საჯარო დებატებისა და დისკუსიების, შეკრებებისა და მანიფესტაციების ორგანიზებასა და ჩატარებაში,უზრუნველყონ ამ ღონისძიებების უსაფრთხოება”, -აღნიშნულია ორგანიზაციის მიერ გავრცელებულ გაანცხადებაში.
კიდევ ერთი პრობლემა, რომელზეც საერთაშორისო გამჭვირვალობა მიუთითებს, მსგავს შემთხვევებში პოლიციის უმოქმედობაა.
”აშკარაა, რომ პოლიტიკური პარტიების შეხვედრებზე ადგილობრივი თვითმმართველობა არ ასრულებს მისთვის კანონით დაკისრებულ ვალდებულებას, პოლიციის უმოქმედობა მართლსაწინააღმდეგო ქმედების – ფიზიკურ ძალადობის აღსაკვეთად კი შემაშფოთებელია,”-აღნიშნულია ორგანიზაციის მიერ გავრცელებულ განცხადებაში.
