გუშინ, სატელევიზიო ინტერვიუში, ალდამოვმა განაცხადა, რომ გასულ წლებში, ჩრდილოეთ კავკასიაში მომხდარი ტერაქტები საქართველოს უშიშროების სამსახურებში დაიგეგმა.
”მათ მოაწყვეს ეს ტერორისტული აქტები, მე ვიცი ” განუცხადა ხიზრი ალდამოვმა ჟურნალისტებს მოსკოვში.
მან მაგალითად ვლადიკავკაზის დაბომბვა მოიყვანა და ორგანიზატორად დაასახელა ზელიმხან ხანგოშვილი – ეთნიკური ჩეჩენი საქართველოდან . „ხანგოშვილის ჯგუფი ჩამოყალიბდა საქართველოს ხელისუფლების აქტიური მხარდაჭერით“_ განაცხადა ალდამოვმა.
ალდამოვი ასევე ამტკიცებს, რომ რომ საქართველოს უშიშროების სამსახურმა 2004 წელს მისი მოწამვლა დაგეგმა . იჩქერიის რესპუბლიკის ყოფილი წარმომადგენელი საქართველოში, სააკაშვილს ამერიკის შეერთებული შტატებიდან დიდი რაოდენობის დაფინანსების მიღებაშიც ადანაშაულებს.
თბილისში ალდამოვის ბრალდებები უარყვეს. ალდამოვი რუსეთის დამქაშია აცხადებს ქართველი კანონმდებელი.
„დროდადრო, რუსეთის ფედერალური სამსახურის ხელმძღვანელობა ასეთ სულელურ განცხადებებს აკეთებს,“ _ განაცხადა გიორგი კანდელაკმა , პარლამენტის საგარეო ურთიერთობათა კომიტიტის თავმჯდომარის მოადგილემ.
მისი თქმით, ალდამოვი ბუნდოვანი ხასიათის ადამიანია, რომელსაც ახლო ურთიერთობა ჰქონდა შევარდნაძის დროინდელ მთავრობასთან და 2004 წლიდან, სააკაშვილის ხელისუფლებაში მოსვლის შემდეგ, ფუნქცია დაკარგა.
ალდამოვმა შევარდნაძე შეაქო მისი ელჩად ქცევისათვის მაგრამ დასძინა, რომ ისიც აიარაღებდა და წვრთნიდა ტერორისტებს საქართველოში.
ხიზრი ალდამოვი,რომელიც თბილისსში 1994 წლიდან იმყოფებოდა, გასულ თვეს მოულოდნელად გამოჩნდა გროზნოში. მან ჩეჩნეთის ხელმძღვანელს რამზან კადიროვს სატელევიზიო შეხვედრის დროს განუცხადა, რომ გულის წყდება საქართველოში ტყუილად დაკარგულ წლებზე.
აღსანიშნავია, რომ კადიროვი ცნობილია სისასტიკით საკუთარი ოპონენტების მიმართ ჩეჩნეთში და მის გარეთ.
ერთ-ერთი ასეთი ცნობილი საქმე ძმების – რუსლან და სულიმ იამადაევების მკვლელობაა, რომლებიც მოსკოვსა და დუბაიში ჩაცხრილეს . ასევევ უმარ ისრაილოვის მკვლელობა – ჩეჩენი ლტოლვილი ვენაში 2009 წელს მოკლეს. კადიროვი ყველა ამ ბრალდებას უარყოფს.
ხიზრი ალდამოვმა განაცხადა, რომ საქართველოს დატოვების სურვილი 2004 წელს მისი მოწამვლის მცდელობის შემდეგ გაუჩნდა. ის თავიდან ავსტრიაში გეგმავდა წასვლას ყაზახეთის გავლით, მაგრამ ნათესავთან საუბრის შემდეგ აზრი შეიცვალა.
”როცა მან პირველად შემომთავაზა ჩეჩნეთში დაბრუნება, ვუთხარი-ისინი მომკლავენ.მაგრამ მან ჩემი გადარწმუნება მოახერხა” – განაცხადა ალდამოვმა გუშინდელ ინტერვიუში.
