დღეს, 13:00 საათზე, დასაქმების მინისტრი პაატა ტრაპაიძე ადგილობრივი მედიის წარმომადგენლებს შეხვდა. “გურია ნიუსისთვის” ამ შეხვედრის შემდეგ ცნობილი გახდა, რომ ოზურგეთის ადმინისტრაციულ შენობაში (სადაც გამგეობის, საკრებულოს და გუბერნიის წარმომადგენლები არიან) რეგიონული განვითარებისა და ინფრასტრუქტურის მინისტრმა რამაზ ნიკოლაიშვილმა და მხარის გუბერნატორმა ვალერი ჩიტაიშვილმა დაახლოებით 10 ოზურგეთელი ღირსების ორდენით დააჯილდოვეს. მათ შორის ოზურგეთის ისტორიული მუზეუმის ფონდების მცველი მანანა ლომაძე. მან ჩვენთან საუბრისას ეს ფაქტი დაადასტურა.
“გურია ნიუსი” ამ წუთებში არკვევს, თუ ვინ დააჯილდოვეს და რატომ ჩატარდა ეს ცერემონია ადგილობრივი მედიის გარეშე.
