მისივე თქმით, არც მანქანაა, რითიც უნდა გადმოასვენონ გარდაცვლილი პატიმარი და ოჯახი თვითონ ზრუნავს ამ პრობლემის მოგვარებაზე.
რამდენიმე წუთის წინ, გიორგი ელიბეგოვს ადვოკატთან ერთად ცხედრის სანახავად შესვლაზე უარი უთხრეს. გიორგი ელიბეგოვი აცხადებს, რომ მან კარგად არ იცის ქართულად წერა-კითხვა და აუცილებლად ესაჭიროება ადვოკატი.
“ჩემი ძმის გარდაცვალების შესახებ დაახლოებით 2 საათის წინ გავიგე. ის მარტში დააკავეს, სწორედ იმ პერიოდში, რაც მე “ქართულ ოცნებასთან” დავიწყე თანამშრომლობა. ჩემი ძმა დაიჭირეს და მას ნახმარი შპრიცი ჩაუგდეს, შემდეგ 260-2 მუხლის მე-2 ნაწილით გაასამართლეს. სანამ ეს ამბავი მოხდებოდა, ის დაიბარეს და რამდენჯერმე გააფრთხილეს,” _ განაცხადა გლდანის #8 დაწესებულებაში გარდაცვლილი პატიმრის ძმამ გიორგი ელიბეგოვმა.
გიორგი ელიბეგოვი “ქართული ოცნების” აქტივისტია.
ერთი საათის წინ, “გურია ნიუსისთვის” ცნობილი გახდა, რომ გლდანის #8 დაწესებულებაში კიდევ ერთი პატიმარი გარდაიცვალა.
კობახიძე ამბობს, რომ ოჯახის წევრებს ეჭვი აქვთ, რომ გაგიკ ელიბეგოვი რამდენიმე დღის წინ გარდაიცვალა და ამ ამბავს უმალავდნენ, რადგან მისი საკრედიტო ბარათიდან 5 დღის განმავლობაში თანხა არ მოჭრილა.
“გურია ნიუსი” უკვე დაუკავშირდა სახალხო დამცველის აპარატს ინფორმაციის გასარკვევად და დამატებით მასალას მალე შემოგთავაზებთ.
