ხილის კექსი „ბრილიანტი“
იგი ძალიან ძვირია და ჩვეულებრივი მოკვდავებისათვის თითქმის მიუწვდომელია, ის ხომ 1 650 000 ამერიკული დოლარი ღირს. იმისათვის, რომ დესერტი მოემზადებინა ტოკიოელ კულინარს ნახევარი წელიწადი და 220 პატარა ბრილიანტი დასჭირდა.
ხენდროს დესერტი „არნო“
უიშვიათეს ღვინოში მარინირებული ხენდრო ქორფა პიტნითა და ათქვეფილი ნაღებით, გაფორმებულია 5 კარატიანი ვარდისფერი ბრილიანტით ერნესტ კესელის კოლექციიდან. მას ახალ ორლეანურ რესტორან „არნო“-ში მოგართმევენ ბრწყინვალე ჯაზური მუსიკის თანხლებით, სულ რაღაც 1 400 000 ამერიკულ დოლარად.
პლატინის ტორტი
იაპონელმა კონდიტერმა ნობუ იკარამ შექმნა ძალიან ლამაზი და ალბათ უგემრიელესი ტორტი, რომელიც, პირდაპირი გაგებით პლატინისაა და რა თქმა უნდა იჭმევა, მაგრამ ძალიან ძვირი სიამოვნებაა და 130 000 ამერიკული დოლარი ღირს
უმაღლესი კლასის ცივი შოკოლადი
ამ სასმელს ნიუ-იორკის ერთ-ერთ რესტორანში ამზადებენ. სასმელს 14 ქვეყნიდან ჩამოტანილი სხვადასხვა ჯიშის კაკაოსაგან ამზადებენ რძისა და შვეიცარიიდან ჩამოტანილი 5 გრამი საკვები ოქროს დამატებით. ასეთი უცნაური შემადგენლობის წყალობით სასმელს არაჩვეულებრივი გემო აქვს. მას ბრილიანტებითა და ოქროთი დეკორირებული ბოკალით მოგართმევენ და ზემოდან ათქვეფილი ნაღებითა და გახეხილი შოკოლადით გაგიფორმებენ, სულ რაღაც 25 000 დოლარად ერთ ულუფას.
ტორტი დესერტი „ფორტი აქვამარინი“
ამ დესერტს შრი-ლანკაზე მოგართმევენ. დესერტი წარმოადგენს კომპოზიციას მეთევზის სილუეტისა და მის ქვეშ მოთავსებული 80 კარატიანი აქვამარინისაგან. დესერტს განუმეორებელ გემოს ანიჭებს ტროპიკული ხილი, მაღალხარისხიანი შოკოლადი, ნაზი ათქვეფილი ნაღები. დესერტი გაფორმებულია შამპანიურის, მანგოს წვენისა და ბროწეულის წვენისაგან დამზადებული სოუსით და 14 500 ამერიკული დოლარი ღირს.
