მისივე განცხადებით, ეს ხელისუფლების მხრიდან “ქართული ოცნების” ლიდერების მიმართ პოლიტიკური ანგარიშსწორებაა.
“გასულ კვირას აუდიტის სამსახურმა მორიგი რეპრესიული ღონისძიებები განახორციელა “ქართული ოცნების” ლიდერების, ბიძინა ივანიშვილისა და კახი კალაძის მიმართ. ეს გამოიხატა იმაში, რომ აუდიტის სამსახურმა შუამდგომლობით მიმართა სასამართლოს ბიძინა ივანიშვილის 55 მილიონი ლარით და კახა კალაძის 17 მილიონი ლარით დაჯარიმების თაობაზე.
ამასთან, აუდიტის სამსახურმა თავისი უფლებამოსილების გადამეტებით, ხელმეორედ დააყადაღა კახი კალაძის საბანკო ანგარიშები, მისი უძრავ-მოძრავი ქონება და არამატერიალური აქტივები.
აღნიშნული ქმედებები ცალსახად მიუთითებს ხელისუფლების მხრიდან “ქართული ოცნების” ლიდერებისადმი პოლიტიკურ ანგარიშსწორებაზე.
პოლიტიკურ მმართველობაზე დამორჩილებულმა სასამართლომ, კერძოდ მოსამართლე კობა გოცირიძემ და ნანა დარასელიამ დააკმაყოფილეს აუდიტის სამსახურის შუამდგომლობები და ბიძინა ივანიშვილს, ჯარიმის სახით, დააკისრეს 20 მილიონი ლარი. ხოლო კახი კალაძეს 17 მილიონი ლარი.
აღნიშნული გადაწყვეტილება ფორმალური თვალსაზრისით გასაჩივრდება ზემდგომ ინსტანციაში, რათა შეიქმნას საფუძველი იმისა, რომ დავა განხილულ იქნას საერთაშორისო სასამართლოში.
“ქართული ოცნების” ლიდერები ბიძინა ივანიშვილი და კახი კალაძე არ აპირებენ უკანონოდ დაკისრებული ჯარიმის გადახდას,” _ განცახდა მაია ფანჯიკიძემ.
