სამართლიანი არჩევნების მონიტორებმა შეისწავლეს კომისიისი რეგისტრატორების, და მათი ტრენერების მომზადების ხარისხი, სიების სიზუსტე, განცხადების შევსებისას დაშვებული გადაცდომები და აშ.
მრგვალ მაგიდას, რომელიც დახურულ ფორმატში გაიმართა, დაეწრნენ საქართველოში ევროსაბჭოს ოფისის ხელმძღვანელის მოადგილე ტანია ვან დეიკი. ელჩი იგორ გაონი და სხვა საერთაშორისო და ადგილობრივი ორგანიზაცების წარმომადგენლები.
აღნიშნულმა შეხვედრამ კომისის თავმჯდომარე მამუკა კაციტაძე „სასიამოვნიდ აღფრთოვანებული“ დატოვა, რადგან მისი კომისიის მუშაობა ყველამ დადებითად შეაფასა.
„მე ვარ სასიამოვნოდ აღფრთოვანებული, როდესაც მონიტორიც, დამკვირვებელიც და იდეაში კრიტიკოსიც, დადებითად გაფასებს და ერთმნიშვნელოვნად არის პოზიტიური შეფასებები ევროსაბჭოს, ნიდერლანდების საელჩოს, ქართული არასამთავრობოების მხრიდან . რა თქმა უნდა, იქ იყო შეცდომები და არავის არ ჰქონია ილუზია, რომ ასობით რეგისტრატორი უშეცდომოდ იმუშავებდა.
ჩვენ ისღა დაგვრჩენია , რაღაცნაირად კმაყოფილების გრძნობა დაგვეუფლოს, მაგრამ მე ერთმნიშვნელოვნად აღვნიშნე რომ ჩემი კმაყოფილება და კომისიის დადებითად შეფასება მაშინ იქნება , როდესაც ქართული საზოგადოების მხრიდან ჩვენი კომისიის მიმართ ნდობა იქნება კიდევ უფრო მეტი, იმაზე რაც დაფიქსირდა. თუმცა, რაღა უნდა დაფიქსირდეს 87% ნდობაზე მეტი გვაქვს რაც NDI დააფიქსირა,”-აცხადებს მამუკა კაციტაძე.
სამართლიანი არჩევნების მონიტორინგის შედეგად დადგინდა, რომ რეგისტრატორების ტრეინინგი ჩატარდა კარგად, გამონაკლისი იყო მხოლოს 3 შემთხვევა ქუთაისში, ბაღდათსა და სამტრედიაში.
ეთნიკური უმცირესობისათვის მათთვის გასაგებ ენაზე ინფორმაცია მიწოდებული იქნა ასევე უმრავლეს შემთხვევაში, გამონაკლისის სახით იყო მარნეულში დაფიქსირებული 4 შემთხვევა, როდესაც რეგისტრატორს ადგილობრივებთან ენის პრობლემა შეექმნა.
რეგისტრატორების აღნიშნულ ვაკანსიაზე შერჩევა 60% მოხდა აპლიკაციის შევსების გზით, 40 % გაურკვეველია რა გზით მოხვდა ამ სამსახურში. რეგისტრატორთა აბსოლუტური უმრავლესობა უმუშევარია, ჭარბობენ პედაგოგები.
რაც შეეხება რეგისტრატორების პარტიულ კუთვნილებას, 30% „ნაციონალური მოძრაობის“ წევრია, 30% _ ქდმ, 26% _ „ახალი მემარჯვენეები“, 5-5% აქვთ „მრეწველობა გადაარჩენს საქართველოს“ და „ეროვნულ-დემოკრატიულ პარტიას“.
რაც შეეხება მონაცემების გადამოწმებას, პირადობის მოწმობებით ინფორმაციის გადამოწმება მოხდა მხოლოდ 62,5 %,-ში, ინფორმაცია საერთოდ ვერ გადამოწმდა 26,56%-ში.
კარდაკარის პროცესის შემდგომი გადამოწმების დროს 1057 ვიზიტიდან 93 შემთხვევაში რეგისტრატორი მისამართზე კვლავ არ მისულა.
ეს არის ის ძირითადი შენიშვნები, რაც „სამართლიანი არჩევნების” მიერ კაციტაძის კომისიის მუშაობასთან დაკავშირებით გამოითქვა.
ელჩი იგორ გაონი (ევროპის საბჭოში პროგრამის მრჩეველი) კმაყოფილია კომისიის მუშაობით და აღნიშნავს, რომ საარჩვენო სიების პრობლემა ყველა განვითარებადი ქვეყნის პრობლემაა.
„მე ბევრ ქვეყანაში ვყოფილვარ და ყველგან იგივე ისტორიაა, სიები, მისამართები დაუზუსტებელია, ასევე დაუზუსტებელია მიგრაციის მაშტაბები” _ აცხადებს გაონი და დასძენს რომ კაციტაძის კომისიამ შესანიშნავად იმუშავა.
კარდაკარის დასრულების შემდეგ, სიების დაზუსტების კომისიამ მეორე ეტაპის განხორციელება დაიწყო:
”სიების დაზუსტების მეორე ეტაპს ვახორციელებთ მეთოდით _ „ამომრჩევლიდან სიამდე”, რომელიც დასრულდება 1 სექტემბრისათვის და შემდეგ კიდევ გვაქვს 14 დღის ვადა და სექტემბრის 14-15-ში წერტილი დასმება ამომრჩეველთა ერთიან სიას 2012 წლის საპარლამენტო არჩევნებისათვის. მანამდე კიდევ არის დრო და ვიღებთ საზოგადოების მხრიდან წერილებს, განცხადებებს,”_ აცხადებს მამუკა კაციტაძე. მისი თქმით, დღევანდელმა შეხვედრამ კიდევ ერთხელ დაადასტურა, რომ კომისიამ მისი ხელმძღვანელობით შეუძლებელი შეძლო.
„გურია ნიუსი“ დაინტერესდა, როგორ აპირებს კომისია მოაგვაროს შიდა მიგრანტების პრობლემა, რომლებიც ამომრჩეველთა 18% შეადგენენ. გაირკვა, რომ ეს საკითხი არ გადაიჭრება.
მამუკა კაციტაძე: „ყველაზ ეუფრო უნივერსალური ფორმა და მეთოდი იმისათვის, რომ შიდა მიგრანტული პრობლემა მოხსნა, ეს არის წინასწარი რეგისტრაციის ჩატარება, რათა კონკრეტულმა მოქალაქემ, თუ ის რეგისტრირებული ქუთაისში და ხმას აძლევს თბილისში, გაიაროს რეგისტრაცია თბილისში. ეს არის უნივერსალური მეთოდი, მაგრამ ამას სჭირდება პოლიტიკური თანხმობა და ნება, რაც ამ ეტაპზე, სამწუხაროდ, არ არსებობს. ეს გამოიწვევს ორ რამეს: მათ შეუძლით გადარეგისტრირდნენ ფაქტობრივ საცხოვრებელ ადგილზე, მაგრამ ამ შემთვევაში 32 ლარია საჭირო, ახალი პირადობის მოწმობის ასაღებად. სახელმწიფო ამ ხარჯს სამწუხაროდ არ იღებს საკუთარ თავზე. ამიტომ, რჩება მეორე ვარიანტი, _ არჩევნების დღეს, ასეთი ადამიანი უნდა ჩავიდეს ქუთაისში და როგორც მაღალი მოქალაქეობრივი თვითშეგრძნებით გამსჭვალულმა ამომრჩეველმა, იქ მისცეს ხმა.”
„გურია ნიუსი“ შეგახსენებთ რომ საუბარია 647 ათას შიდა მიგრანტზე.
შიდა მიგრანტების პრობლემა რომ მოუგვარებელია და არჩევნებამდე ვერც მოგვარდება, ამას სამართლიანი არჩეენების აღმასრულებელი დირექტორი ნინო ლომჯარიაც ადასტურებს „გურია ნიუსთან“ საუბარში:
„შიდა მიგრაციასთან დაკავშირებით სტატუსები დაადგინა კომისიამ შესაბამისი აღნიშვნებით, ჩევნ თავიდან გვქონდა ინიციატივა რომ შიდა მიგრაციაში მყოფი ადამიანები ყოფილიყვნენ სიაში, ამიტომ მოამავალში მაინც უნდა გაკეთდეს კარგი კამპანია, რომ ეს ადამიანები დარეგისტრირდენ იქ, სადაც ცხოვრობენ. სამწუხაროდ, ეს ამ არჩევნებზე აღარ მოესწრება.”
