შესაბამისად, მასში ვერ მოხვდა მიმდინარე წლის განსაკუთრებით მნიშვნელოვანი და საინტერესო ფაქტები. არასამთავრობო ორგანიზაცია აცხადებს, რომ ამ ფაქტებს აუცილებლად ასახავს 2012 წლის ანგარიშში რომლის მომზადებაც, სავარაუდოდ, არჩევნების შემდეგ იგეგმება.
კვლევისათვის შეირჩა კვალიფიციური საარჩევნო სუბიექტის სტატუსის მქონე 13 პოლიტიკური პარტია.
2011 წელს სახელმწიფო დაფინანსების მიღების მხრივ „ერთიანი ნაციონალური მოძრაობა“ ლიდერობს, რომელმაც გასულ წელს ბიუჯეტიდან 1 757 240 ლარი მიიღო. მას მოყვება ქრისტიან-დემოკრატიული მოძრაობა _ 573 651 ლარით, ხოლო მესამე ადგილზე როგორც ირკვევა არც თუ ისე ღარიბი ლეიბორისტებია _ 391 338 ლარით.
რაც შეეხება შემოსავალს საწევრო შენატანებიდან, აღსანიშნავია რომ ამ წყაროდან შემოსავალს მხოლოდ რამდენიმე პარტია იღებდა და ძირითადი შემოსავლის საკმაოდ მცირე ნაწილს წარმოადგენდა. ამ მხრივ გამონაკლისი იყო „ახალი მემარჯვენეები“, 2008-2010 წელს საწევრო შენატანებმა პარტიის მთლიანი დაფინანსების 60 %- საც მიაღწია. 2012 წელს საწევრო შენატანები _ 13 748 ლარი, მხოლოდ ქდმ-მ მიიღო.
„მოქალაქეთა პოლიტიკური გაერთიანების შესახებ ორგანულ კანონში“ განხორციელებული ცვლილებით პარტიებს აეკრძალათ შემოწირულობის მიღება იურიდიული პირისაგან. ამ კანონის ამოქმედებამდე კი იურიდიული პირებისაგან შემოწირულობის მიღების ექსკლუზიური უფლება მხოლოდ მმართველ პარტიას ჰქონდა.
2007 წელს, „ერთიანმა ნაციონალურმა მოძრაობამ“ სხვადასხვა კომპანიებისგან თითქმის 9 მილიონი ლარი მიიღო. 2008 წელს _ 11, 5 მილიონი, 2010 წელს, რეკორდული თანხა _ 12,6 მილიონი, ხოლო 2011 წელს, ახალი საკანონმდებლო რეგულაციების ამოქმდებამდე, (გასათვალისწინებელია ის გარემოებაც რომ 2011 წელი არასაარჩევნო წელი იყო) მიიღო 1, 6 მილიონი ლარი.
ერთადერთი პარტია, რომელმაც 2007-2010 წლებში იურიდიული პირისაგან მიიღო შემოწირულობა, ქრისტიან -დემოკრატიული მოძრაობა იყო. პარტიის ანგარიშზე შირნჰოფერის მიერ გადარიცხული თანხის ოდენობა დღემდე არ სახელდება.
ბიძინა ივანშვილის პოლიტიკაში გამოჩენის შემდეგ კი იურიდიული პირებისაგან დაფინანსება სამმა პარტიამ მიიღო: რესპუბლიკელებმა, ხალხის პარტიამ და კონსერვატიულმა პარტიამ. საკანონმდებლო ცვლილებებიც სწორედ ამ ფაქტს მოჰყვა. 2011 წლის დეკემბრამდე მოქმედი კანონმდებლობით, შემომწირველ იურიდიულ პირს უნდა მიეთითებინა სახელწოდება და იურიდიული მისამართი, ხოლო შემომწირველ ფიზიკურ პირს _ პირადი ნომერი, გვარ-სახელი და მისამართი.
ამ მონაცემების მითითების გარეშე შეტანილი თანხა დაუყოვნებლივ ჩაირიცხებოდა სახელმწიფო ბიუჯეტში. ამის მუხედავად,2011 წლის ფინანსური ანგარიშების გამოქვეყნებისას, აუდიტის სამსახურმა ფიზიკურ პირთა მისამართები დაფარა. „საერთაშორისო გამჭვირვალობამ“ ეს ინფორმაცია გამოითხოვა, თუმცა აუდიტის სამსახურის მიერ მიწოდებულ მასალაში მისამართები საერთოდ არ ყოფილა მითითებული.
2012 წლის 8 მაისის საკანონმდებლო ცვლილებით, შემომწირველი პირის მისამართის მითითება უკვე აღარ არის სავალდებულო _ აუდიტის სამსახურმა გამოსავალი იპოვა.
„საერთაშორისო გამჭვირვალობა“ თვლის, რომ ეს ცვლილება ხელს შეუშლის პარტიების ფინანსური გამჭვირავლობისა და ანგარიშვალდებულების უზრუნველყოფას,რადგან შემომწირველთა იდენტიფიცირება ფაქტობრივად შეუძლებელი ხდება .
„საერთაშორისო გამჭვირვალობა“ შეეცადა გაერკვია შემომწირველ იურიდიულ პირთა ერთამანეთთან კავშირი.
„რესპუბლიკურ პარტიას, კონსერვატორებსა და ხალხის პარტიას თერთმეტივე შემომწირველი იურიდიული პირი საერთო ჰყავს, როგორც საჯარო რეესტრის ამონაწერიდან ირკვევა, რამდენიმე იურიდიულ პირს საერთო მეწილე ან ხელმძღვანელობაზე უფლებამოსილი პირი ჰყავს“ _ ნათქვამია კვლევაში.
საჯარო რეესტის მონაცემებითვე „ერთიანი ნაციონალური მოძრაობის“ შემომწირველ ორი კომპანია -„გზამშენი-4“ და „უნივერსალი 93“ ერთი და იგივე პირის რეზო ჩახვაშვილის საკუთრებაა, მას 150 000 ლარის შემოწირულობაა აქვს განხორციელებული.
„სართაშორისო გამჭვირვალობამ“ ვერ შეძლო მმართველი პარტიის შემომწირველი ფიზიკური პირების გადამოწმება, სამაგიეროდ გადაამოწმა ოპოზიციური პარტიების შემომწირველები და სამი დარღვევაც აღმოაჩინა. სამივე ფაქტი „მრეწველობა გადაარჩნეს საქართველოს“ ეხება, შემომწირველები თელავში ცხოვრობენ და თითეულს 425 ლარი აქვს გადარიცხული. როგორც „საერთაშორისო გამჭვირვალობის“ მკვლევარი თორნიკე ნატროშვილი აცხადებს, პარტიის ბიუჯეტში ფულის გადარიცხვა სამივე მათაგანმა უარყო.
საერთაშორისო გამჭვირვალობა ში აცხადებენ, რომ ანგარიშგების ფორმაში სპეციალური გრაფის „სხვა შემოსავალის“ შემოღებით პარტიებს რეალური შემოსავლების დაფარვის საშუალება მიეცათ.
2011 წელს ორმა პარტიამ „სხვა შემოსავალში“ საკმაოდ დიდი ხარჯები მიუთითა. ქდმ-მ 53289 ლარი, ხოლო ნაციონალურმა მოძრაობამ _ 2 278 442 ლარი. ამ თანხების წარმოშობა გაურკვეველი იყო, თუმცა მოგვიანებით ნაციონალებმა მიუთითეს, რომ შემოსავალი საოფისე ფართების რელიზაციდან მიიღეს, ხოლო ქდმ-მ 53 ათასი საზღვარგარეთ ლექცია-სემინარებში მონაწილეობით.
არასამთავრობო ორგანიზაცია რეკომენდაციით მიმართავს აუდიტის სამსახურს, რათა „სხვა შემოსავლის“ კატეგორიის გამოყენებისას, სავალდებულო გახადოს შემოსავლის წყაროს მითითება.
არასამთავრობო ორგანიზაცია ასევე აუცილებლად თვლის რომ პარტიებმა ფინანსურ დეკლარაციაში ზუსტად განსაზღვრონ რეკლამაზე გაწული ხარჯი. კერძოდ, რა დაიხარჯა სატელევიზიო, რადიო და გარე რეკლამაზე. ფორმა უნდა შეიცავდეს ხარჯების დეტალურ გაწერას, ზუსტ თარიღებს ს და სრულყოფილ მონაცემებს მხარეების შესახებ.
გამჭვირვალობა აუდიტის სამსახურის შერჩევით მიდგომებზეც ამახვილებს ყურადღებას. 2012 წლის 20 თებერვალს, უწყებამ გაავრცელა განცხადება მმართველი პარტიის შემოსავლებში ეჭვის შეტანის შესახებ. კერძოდ, პიზიკური პირებისგან განხორციელებული შემოწირულობა ერთი პირის მიერაა განხორციელებული. სამსახურმა არც კი გაასაჯაროვა ამ პირის თუ პირების ვინაობა და განაცხადა, რომ ეს ქმედება განხორციელების მომენტში არ ითვლებოდა კანონდარღევად.
რეალურად, სხვის ნაცვლად შემოწირულობის განხორციელება იკრძალებოდა კანონით და იმ დროს დაწესებული იყო სანქცია _ თანხის ბიუჯეტში გადარიცხვა. ახალმა სანქციამ კი ზომები გაამკაცრა და თანხის ხუთმაგი ოდენობის ჯარიმის გადახდას ითვალისწინებს.
„სახელმწიფო აუდიტის სამსახური კანონს ერთგვაროვნად უნდა იყენებდეს და არ უნდა ახორციელებდეს შერჩევით სამართლასწარმოებას. კანონდარღვევის აღმოჩენისას, აუცილებელია შესაბამისი რეაგირება“ _ ნათქვამია კვლევაში.
აუდიტის სამსახურის მიკერძოებულობა სხვა შემთხვევებშიც აღმოაჩინა ორგანიზაციამ, კერძოდ თუ ოპოზიციური პარტიების შემთხვევაში აუდიტის სამსახური ინფორმაციას დაუყოვნებლივ აქვეყნებს, მმართველი პარტიის მიერ 15 მაისს მიწოდებული ინფორმაცია მან მხოლოდ ივნისში გამოაქვეყნა.
აუდიტის სამსახურს საკუთარ ვებგვერდზე ცუდი ხარისხის ფინანსური დეკლარაციების ატვირთვაშიც ედავებიან. დაბალი ხარისხის გამო, ამ ინფორმაციის გამოყენება, ფაქტობრივად, შეუძლებელია. არ იკითხება შემომწირველთა სახელები, პირადი ნომრები.
აუდიტის სამსახური ამას პარტიებს აბრალებს, რომლებიც მაკონტროლებელ ორგანოს დეკლარაციებს მცირე შრიფტით აწვდინ. ასევე ირკვევა, რომ შემომწირველ პირთა მისამართები აუდიტის სამსახურს პარტიების თხოვნის საფუძველზე დაუშტრიხავს.
„საერთაშორისო გამჭვირვალობის“ მოთხოვნით, აუდიტის სამსახურმა ხელახლა ატვირთა ვებზე პოლიტიკური პარტიების ანგარიშები, თუმცა რამდენიმე დეკლარაციის წაკითხვა კვლავაც შეუძლებელია.
გამჭვირვალობის მერ გამოთხოვილ დეკლარაციებში შემომწირველთა მონაცემები დაშტრიხული არ არის მაშინ, როდესაც ვებგვერდზე მათი გასაჯაროება არ ხდება.
„მოწოდებული ინფორმაციის მიხედვით, „ერთიანი ნაციონალური მოძრაობის შემომწირველთა მისამართები დეკლარაციაში საერთოდ არ არის მითითებული, ამდენად ან აღნიშნულმა პარტიამ დაარღვია კანონი, როდესაც შემომწირველის შესახებ ინფორმაცია არ ასახა სრულყოფილად ან სახემწიფო აუდიტის სამსახურმა არ შეასრულა ამ ინფორმაციის საჯაროობის კანონით დადგენილი მოთხოვნა“ _ აცხადებს „საერთაშორისო გამჭვირვალობა.“
ორგანიზაციამ აუდიტის სამსახურს მეტი საჯაროობისკენ მოუწოდა.
