ამ ინფორმაციას ოფიციალურად არ ადასტურებენ საქართველოს ოლიმპიურ კომიტეტში. პრესსამსახურის ხელმძღვანელის, კახა ბერიძის განცხადებით, ბიძინა გობრონიძე საქართველოს დელეგაციაში არ ყოფილა:
_ გადავამოწმე და ოფიციალურ დელეგაციაში არ იმყოფებოდა ბიძინა გობრონიძე, რაც შეეხება ფაქტს, ის იყო თუ არა თავისით ჩასული ოლიმპიადაზე, ეს ინფორმაცია ჩემთვის არ არის ცნობილი.
მაგრამ, გობრონიძესთან დაახლოებული პირი “გურია ნიუსთან” აცხადებს, რომ მას ფინანსური პრობლემები ჰქონდა:
“რამდენიმე თვეა, იძახდა, რომ ლონდონში წასულიყო ამის გამო, რამდენჯერმე ვიზა არ ჩაურტყეს , ახლა გაუმართლა, მოხვდა საქართველოს დელეგაციაში, რომელიც ლონდონის ოლიმპიადაზე მიდიოდა. უფრო ფინანსური პრობლემების გამო გახდა იძულებული, დაეტოვებინა საქართველო და ლონდონში, მეგობრებთან დარჩენელიყო, _ ამბობს ჩვენი წყარო და იმასაც აღნიშნავს, რომ თუ “ქართულ ოცნებაში” მეგობრები და ახლობლები გყავს, ამის გამო საქართველო დატოვო, ეს არ არის სწორი ნაბიჯი და ბიძინა ამის გამო ასე არ მოიქცეოდაო.
სპორტის განვითარების ცენტრის დირექტორად, 22 აგვისტოს მისი მოადგილე გელა შაფაქიძე დაინიშნა, რომელიც “გურია ნიუსთან” გობრონიძის პოლიტიკურ შეხედულებებს გამორიცხავს.
_ გავიდა თვითონ შვებულებაში, მე რა ინფორმაციაც მაქვს, იმას გეტყვით, თვითონ ამბობდა ადრეც, რომ ლონდონის ოლიმპიადას უნდა დავესწროო, მას ამის სურვილი ჰქონდა, ასე მითხრა, რომ კლასიკურ მოჭიდავეებთან მაქვს საქმე გარკვეულიო და გაჰყვა ამ დელეგაციას. განცხადება ჩვენთან მოვიდა 17 აგვისტოს.
_ ვინ მოიტანა განცხადება გათავისუფლებაზე, მან დაწერა თავად?
_ განცხადება მოვიდა 17-ში გათავისუფლებაზე, მოიტანა მისმა ძმამ.
_ რა ეწერა განცხადებაში?
_ ოჯახური პირობების გამო ითხოვდა გათავისუფლებას. მე ასე ვფიქრობ, რომ მას უფრო ბიზნესი აინტერესებდა. არ ვიცი, სხვა რა უნდა ვთქვა.
_ ანუ, გამოდის, რომ ბატონმა ბიძინამ წინასწარ იცოდა, რომ იქ დარჩებოდა…
_ მას ჰქონდა შვებულება აღებული, უმთავრდებოდა 14-ში და შვებულების მერე აღარ დაბრუნებულა. 17-ში განცხადება მისმა ძმამ მოიტანა.
_ თქვენ როდის დაინიშნეთ?
_ მე 22 აგვისტოს დავინიშნე, ჯერ მოვალეობას ვასრულებდი და მერე ყველაფერი სპორტულმა საზოგადოებამ გადაწყვიტა. მან ჩააყენა ადგილობრივი ხელისუფლება საქმის კურსში და დავინიშნე.
_ ამბობენ, მისი წასვლა პოლიტიკას უკავშირდებაო…
_არ ვიცი მაგის შესახებ, ბიძინას პოლიტიკოსობა ნაკლებად გამიგია. ჩვენ მეგობრები ვართ, მე ის პოლიტიკაში არ შემინიშნავს, 2007 წლის მერე ერთად ვართ.
ბიძინა გობრონიძის ძმა ზვიად გობრონიძე “გურია ნიუსთან” ადასტურებს, რომ მისი ძმა ლონდონში საქართველოს დელეგაციას გაჰყვა, თუმცა ბიძინას დარჩენის მიზეზს პოლიტაკას არ უკავშირებს.
_ ბატონო ზვიად, როგორც ვიცით, ბატონი ბიძინა საქართველოს დელეგაციას გაჰყვა ლონდონში.
_ დიახ ბატონო, ლონდონში გაჰყვა ოლიმპიადაზე დელეგაციას. დიდი ხანია, ფიქრობდა იქეთ წასვლას.
_ ის მანამდე შვებულებში იყო გასული, ანუ წინასწარ იცოდა, რომ უკან არ დაბრუნდებოდა?
_ კი, ასეა.
_ ბატონო ზვიად, ბიძინას დარჩენასთან დაკავშირებით, გავრცელებულია სხვადასხვა ვერსიები, ერთ-ერთ ვერსიად მისი “ქართულ ოცნებასთან” სიახლოვე სახელდება, რომ მას იქ ძალიან ბევრი მეგობარი ჰყავს და ა. შ.
_ ეგ არის ყველაფერი ზღაპრები. . .
_ იქნებ, თქვენ გვითხრათ მაშინ, მის მიერ საქართველოს დატოვების ნამდვილი მიზეზი.
_ რატომ დარჩა და წავიდა? იქ ჰყავს საახლობლო, ძალიან დიდი ხანია უნდოდა წასვლა, მაგრამ ვერ მოახერხა. ახლა გამოუჩნდა კარგი მომენტი და გამოიყენა. ახლა დააბრალეს ათასი რამ, ნახევარი ქალაქი მაგას ლაპარაკობს, ბიძინასკენ გადავიდაო, არ არის სიმართლე, ესაა ზღაპარი, რომელი პოლიტიკოსი ეს ნახეს.
_ ანუ “ქართულ ოცნებასთან” სიხლოვე და პოლიტიკური სარჩული ცრუ ინფორმაციაა?
_ ცრუა, აბა რა! თუნდაც “ქართულ ოცნებაში” რომ გადასულიყო, მერე რა! ახლობლები და მთელი სპორტსმენები მაქ ჰყავს ჩემს ძმას, მაგრამ არა კაცო. რის ოცნება და რის რამე. რომელი იმფერი თანამდებობის პირი მაგი იყო, რომ ამხელა ამბავი მოჰყვა. ინგლისში ჰყავს ძმაკაცი და ჩვენი მაგარი ახლობელი და დარჩა მასთან, რომელიც სამი- ოთხი წელია, იქ ცხოვრობს. გამოუჩნდა საუკეთესო ვარიანტი და წავიდა, რაა ამაში გასაკვირი?
