თითქმის ყველა დარწმუნებულია, რომ ამ დღეს რეგიონული განვითრებისა და ინფრასტრუქტურის მინისტრის რამაზ ნიკოლაიშვილის ოზურგეთის მაჟორიტარ დეპუტატად წარდგენა უნდა მოხდეს. ხელისუფლებას გადაწყვეტილი აქვს, რომ პრეზიდენტთან გრანდიოზული შეხვედრა მოაწყოს, ამისთვის კი ოზურგეთის მუნიციპალიტეტში დასაქმებულ საჯარო მოხელეებს, პედოგოგებს თუ საბიჯეტო სამსახურების წარმომადაგენლებს სრულ მობილიზაციას თხოვენ. ოზურგეთის მუნიციპალიტეტის სოფლის რწმუნებულებს კი 1 სექტემბერს, მინიმუმ 300 კაცის ჩამოყვანა ევალებათ თითოეული სოფლიდან. ისინი ყევლანარი გზითა და ხერხით ცდილობენ, რაც შეიძლება მეტი ადამიანი მოაგროვონ და ოზურგეთში ჩამოიყვანონ პრეზიდენტთან შესახვედრად.
“გურია ნიუსი” დაუკავშირდა ოზურგეთის მუნიციპალიტეტის რამდენიმე სოფლის რწმუნებულს და აღნიშნულთან დაკავშირებით ჰკითხა:
ოზურგეთის მუნიციპალიტეტის სოფელ მაკვანეთის რწმუნებული მერაბ ვასაძე “გურია ნიუსთან” საუბარში აღნიშნავს, რომ მას ასეთი სიის შედგენა დავალებული არ აქვს და არც სხვა ინფორმაციას ფლობს.
_პირველ სექტემბერს რომ პრეზიდენტი ჩამოდის, ეს ვიცი, მაგრამ რამაზ ნიკოლაიშვილის მაჟორიტარ დეპუატატად წარდგენის შესახებ, ინფორმაციას არ ვფლობ, ჯერ ჩემთვის არავის არაფერი დაუვალებია, აწი თუ დამავალებენ არ ვიცი, – გვითხრა ვასაძემ.
ოზურგეთის მუნიციპალიტეტის სოფელ დვაბზუს რწმუნებულის ვაჟა მახარაძის თქმით, ის საერთდ არ ერევა ამ საქმეში და არც სიის შედგენას აპირებს.
_ ბატონო ვაჟა, ეს თქვენი სოფლის რამდენიმე მცხოვრებმა გვითხრა.
_ არ ვიცი არაფერი მაგის შესახებ.
_ ოზურგეთის მუნიციპალიტეტის სოფელ შემოქმედის რწმუნებული ბესიკ ლომინაძე “გურია ნიუსთან” საუბარში ამბობს, რომ ოზურგეთის მუნიციპალიტეტის გამგეობაში დღეს არის დაბარებული და სიასთან დაკავშირებით, ალბათ, დღეს დაავალებენ.
_ გეტყვით ახლავე, მე ახლა მირეკავს გამგებელი მაგ საკითხთან დაკავშირებით და ალბათ, დღეს მომცემენ დავალებას, რადგან სამი დღე არ მეცალა და არ ვიყავი სოფელში, აცხადებს იგი.
სოფელ ცხემლისხიდის რწმუნებული ლევან ჭელიძე “გურია ნიუსს,” ამ საკითხთან დაკავშირებით, პრესსამსახურთან მისვლას ურჩევს.
_ ბატონო ლევან, რამდენი ადამიანი გყავთ სიაში ჩაწერილი თქვენი სოფლიდან 1 სექტემბერს პრეზიდენტთან შესახვედრად?
_ თქვენ რატომ გაინტერესებთ?
_ ჟურნალისტებს ასეთი ინფორმაცია გვაინტერესებს.
_ მაგისთვის მიმართეთ პრესსამსახურს
_ ბატონო ლევან, პრესსამსახური გაგვცემს პასუხს, თქვენი სოფლიდან რამდენი ადამიანია სიაში ჩაწერილი?
_ პრესსამსახურს კი არა, შეიძლება ჩვენმა საინფორმაციო სამსახურის უფროსმა გითხრათ.
_ბატონო ლევან, იქნებ, გვითხრათ, ვინ არის თქვენი საინფორმაციო სამსახურის უფროსი?
_მიმართეთ მუნიციპალიტეტს და გეტყვიან.
_თქვენ არ იცით?
_ზუსტად არა.
სოფელ ბაილეთის რწმუნებული სპარტაკ მამულაიშვილი აცხადებს, რომ მას არანაირი სია არ აქვს შედგენილი.
_ უბრალოდ, ინფორმაცია გვაქვს, რომ პრეზიდენტი ჩამოდის და მეტი არაფერი ვიცი.
_ ოზურგეთის მუნიციპალიტეტის სოფელ ნაგომრის რწმუნებულმა ივანე კიღურაძემ, როგორც კი გაიგო “გურია ნიუსიდან” ვურეკავდით, ტელეფონი გაგვითიშა.
სოფელ კონჭკათის რწმუნებული ჯუმბერ მიქატაძე ამბობს, რომ მან ზუსტად არ იცის ჯერ, რამდენი ადამიანი ჩაეწერება სიაში.
_ზუსტი სია ჯერ არ მაქვს, რადგან კიდევ ემატება ხალხი, მსურველი ბევრია, ზუსტი სია და რაოდენობა ხვალისთვის მექნება, დაახლოებით, 300 კაცი იქნება, – ამბობს მიქატაძე.
__ სოფელ ვაკიჯვრის რწმუნებული ივანე მდინარაძე კატეგორიულად აცხადებს, რომ მას ასეთი სია არ აქვს.
_ ჩვენ არ გვაქვს ასეთი სია.
_ თქვენ არ იცთ რამდენი ადამიანი მიდის თქვენი სოფლიდან პრეზიდენტთან შესახვედრად?
_ არა.
_ არ აკეთებთ მობილიზაციას?
_ არა.
_ არ მიგყავთ თქვენი სოფლელები შესახვედრად?
_მ ე არა.
_ აბა, ვის მიჰყავს? ვის დაავალეს?
_ არ ვიცი.
_ თქვენ არ მიდიხართ ?
_მე წავალ, ალბათ.
_ ესე იგი, თქვენი სოფლიდან სხვა არავინ არ მიდის?
_ მე არ ვიცი მოსახლეობის აზრი.
_ აბა ვინ იცის? ვის ეცოდინება თქვენი სოფლის მოსახლეობის აზრი?
_ არაფერი არ ვიცი მე.
_ თქვენ არ გააგებინეთ პრეზიდენტის ჩამოსვლასთან დაკავშირებით მოსახლეობას?
_მე რატომ უნდა გავაგებინო?
_ აბა ვინ უნდა გააგებინოს, ბატონო ვანო? თქვენ ეს არ გევალებათ?
დავალებით ბევრი რამ მევალება, მაგრამ . . . – გვითხრა მდინარაძემ და ტელეფონი გაგვითიშა.
ოზურგეთის მუნიციპალიტეტის სოფელ თხინვალის რწმუნებულის აბესალომ ბოლქვაძის თქმით, ზუსტი სია ჯერ არ აქვს.
_ ჯერ არ ვიცი ზუსტი სია, ახლა ვმუშაობ მაგ საკითხზე. მითხრეს, რამდენი მსურველიც იქნება, ყველა წამოიყვანეო, რაც უფრო მეტი მსურველი გამოჩნდება, უფრო კარგია. ისე, ზუსტი სია საღამოსთვის მეცოდინება, დამიკავშირდით და გეტყვით, _ გვითხრა გულწრფელად რწმუნებულმა.
