კონსპირაციული სახლები პანკისში _ რაც მშობლებმა შვილების დაღუპვის შემდეგ გაიგეს

დუისელები ზაურბეკოვის დაკრძალვას გუშინ, დღის 2 საათის შემდეგ ელოდებოდნენ, თუმცა  მშობლებმა თბილისიდან დარეკეს და შეკრებილ ნათესავებს უთხრეს, რომ ცხედრის გადაცემა ფერხდებოდა. როგორც „გურია ნიუსს“ დუისიდან აცნობეს, ზაურბეკოვის ცხედარს მშობლებს დღეს გადასცემენ. ოჯახის გადაწყვეტილებით, მას დუისში სპეცოპერაციის დროს მოკლული ქისტი ბიჭების გვერდით დაკრძალავენ. „გურია ნიუსის“ წყაროს ინფორმაციით, რომლის ვინაობასაც მისივე თხოვნით არ ვამხელთ, ზაურბეკოვი, ბაჰაუდინ ბაღაკაშვილი დ ასლან მარგოშვილი საქართველოში ავსტრიიდან ჩავიდნენ.მათი ჩამოსვლა, სავარაუდოდ, 13 მარტს თბილისის აროპორტში არსებულ ვიდეო კამერებს უნდა დაეფიქსირებინათ.ზაურბეკოვის მამიდა ავსტრიაში ცხოვრობს, ავსტრიაში ცხოვრობდა ბაღაკაშვილი და მისი ოჯახი. როგორც ამბობენ, ჯერ ფინეთში, შემდეგ კი სლოვაკეთში ჩასული ასლან მარგოშვილიც საბოლოოდ ავსტრიაში გადაფრინდა და ყველანი ერთად დაბრუნდნენ საქართველოში. დუისში  აღნიშნული ჯგუფის ჩამოსვლასთან დაკავშირებით, რამდენიმე ვერსია ვრცელდება: ერთ-ერთი ვერსიის მიხედვით, მარტში ჩამოსული ახალგაზრდები მალევე გაბრუნდნენ უკან და პანკისში სირიაში მოკლული საველე მეთაურის, რუსლან გელაევის შვილის, რუსტამ გელაევის ცხედრის ჩამოსვენების დროს დაბრუნდნენ. 24 წლის გელაევი დუიში მცხოვრებმა ბიძამ და ბიძაშვილებმა სოფლის სასაფლაოზე დაკრძალეს, დაკრძალვა მუსულმანური ტრადიციების დაცვით მოხდა, ოჯახმა   გადაიხადა ქელეხი და მიიღო სამძიმრები. ასლან მარგოშვილი, შარშან, 12 სექტემბერს გაფრინდა ფინეთში და როგორც მისი მამიდა და დედა აცხადებენ, ოჯახს მას შემდეგ აღარ უნახავს. ბაჰაუდინ ბაღაკაშვილი და სალამ ზაურბეკოვი კი თანასოფლელებმა ბაირამობა დღეს ნახეს.შვილის ვაჰაბიტებთან კავშირი ზაურბეკოვის მშობლებს არ გამოპარვიათ და მას დუისში ჩამოაკითხეს. ”მშობლების ჩამოსვლა რომ გაიგო, ბიჭი დაიმალა. ზოგი ამბობს, ვაჰაბიტებმა არ მისცეს მათი ნახვის უფლებაო.დედა ძალიან ცუდად გრძნობდა თავს, ძალიან განიცდიდა და საბოლოოდ, შვილს სკაიპით დაალაპარაკეს. დედამ თურმე დაიჩოქა და სთხოვდა, მშობლებს გაჰყოლოდა, რაზედაც სალამმა უარი უთხრა. ამის შემდეგ, მშობლები იძულებულები გახდნენ, სახლში შვილის გარეშე დაბრუნებულიყვნენ, “-აცხადებს „გურია ნიუსთან“ საუბარში მათი ოჯახის ნათესავი, რომლის ვინაობასაც შეგნებულად არ ვასახელებთ. მისი ინფორმაციით, ეს ბიჭები ერთამენთს „ოდნოკლასნიკებით“ და სხვა სოციალური ქსელებით დაუკავშირდნენ, რადგან იცოდნენ, რომ ტელეფონები ისმინებოდა.ერთმანეთი გადაიბირეს და საბოლოოდ,  ლაფანყურში აღმოჩნდნენ. მშობლებმა მხოლოდ მათი დაღუპვის შემდეგ გაიგეს, რომ ისინი საზღვარგარეთ არ ყოფილან და პანკისში ცხოვრობდნენ კონსპირაციულად. ადგილობრივი ვაჰაბიტები  მომხდარზე კომენტარს არ აკეთებენ, პირად საუბარში კი აცხადებენ რომ ბიჭებმა სწორი გზა არიჩიეს და ვაჟკაცურად დაიღუპნენ. ”მათ ალაჰის გზა აირჩიეს და გაყვნენ. რა მნიშვნელობა აქვს, როდის მოკვდება ადამიანი, მთავარია მათ სწორად იცხოვრეს” _ ამბობს დუისელი ვაჰაბიტი „გურია ნიუსთან“ საუბარში. ”ვაჰაბიტები ცდილობენ ჩვენი ბავშვების გადაბირებას, ისინი საკმაოდ ბევრნი არიან და გავლენაც აქვთ.სანამ ეს ბიჭები დაიღუპებოდნენ, 80-მდე ახალგაზრდა ჰყავდათ გაერთიანებული, ეხლა 5-6 კაცი შერჩათ, ყველა მიხვდა, რომ ეს საქმე ცუდად მთავრდება.თუ ბრძოლა უნდათ, თვითონ წავიდნენ, ჩვენს შვილებს თავი დაანებონ!“_ აცხადებს დუისელი ქისტი „გურია ნიუსთან“ საუბარში.