უწყებათაშორისი კომისიის წარმომადგენელმა, თამარ კინწურაშვილმა, რომელიც კვლევის პრეზენტაციას ესწრებოდა, განაცხადა, რომ არ ეთანხმებოდა ორგანიზაციის შესაფებას _ „საცხოვრებლის დარბევა“.
„ძნელად წარმოსადგენია, რომ ვინმეს განზრახ მიეყენებინა ზიანი 80 წლის ქალისთვის, მით უმეტეს არაფერია წაღებული, დამტვრეულია მხოლოდ ჭურჭელი. საცხოვრებლის დარბევა აქ ისეა ასახული, მძაფრსიუჟეტიან ფილმს მაგონებს,“ – განაცხადა კინწურაშვილმა ამ ფატზე კომენტირებისას. მისი თქმით, გამოძიებამ უკვე დაკითხა დაზარალებული, რომელმაც განაცხადა, რომ მის სახლში არავინ შეჭრილა და იმ დღეს კარი დარჩა ღია.
„ქალბატონმა გულჩინამ განაცხადა, რომ კარი დარჩა ღია და როგორც ჩანს, მისი მეზობელი, რომელიც პოლიტიკური პარტიის მხარდამჭერია და ქალბატონებს იმ დღეებში ჰქონდათ გარკვეული დისკუსია პოლიტიკურ საკითხებზე, შევიდა მის საცხოვრებელში,“ – აცხადებს კინწურაშვილი
„საერთაშორისო გამჭვირვალობას“ ამ ფაქტთან დაკავშირებით, განსხვავებული პოზიცია აქვს. ლევან ნატროშვილი აცხადებს ,რომ დაშინებული წიქორიძე პირადად ნახა .
„ძალიან იყო შეშინებული, ამბობდა მომკლავენო. სავარაუდოა, რომ მან გამოძებაში სწორედ შიშის გამო შეცვალა ჩვენება და განაცხადა რომ კარი დარჩა ღია.“
ახმეტაში მცხოვრები წიქორიძის სახლი 18 აპრილს დაარბიეს. საღამოს შინ დაბრუნებულ მოხუცს, ოთახის კარი ჩამოგდებული დახვდა, ჭურჭელი გადმოყრილი და დამტვრეული, საჭმელად მოხარშული ჭინჭარი კი იატაკზე დაღვრილი.
გულჩინა წიქორიძეს პრობლემები მას შემდეგ შეექმნა, რაც მან „კახეთის საინფორმაციო ცენტრს“ უამბო, როგორ დაემუქრა ახმეტის საგანმანათლებლო რესურსცენტრის ბუღალტერი ნიკო რუსიშვილი „ქართული ოცნების“ გაზეთის კითხვისა და გავრცელების გამო.
