_ იმიტომ, რომ მან თქვა ის, რაც ჩვენთვის ძვირფასია _ მან თქვა, რომ რაც გაკეთდა შინაგან საქმეთა სამინისტროში, არის ძალიან კარგი. მან ისაუბრა იმ მიღწევების შესახებ, რაც გვაქვს ჩვენ კრიმინალთან ბრძოლის კუთხით. მან თქვა, რომ არ დაუშვებს ქურდების უკან დაბრუნებას და მათ გაპარპაშებას. კარგია, თუ მისი სიტყვები იქნება გულწრფელი. ღარიბაშვილმა ისიც განაცხადა, რომ არ მოახდენენ პოლიციიის პოლიტიზაციას, თუმცა, ჩვენ გვაკრიტიკებდა ამაში. არ ვეთანხმები, მაგრამ ამაზე არ ვიკამათებ. თუ ჩვენ დროს ეს ასე იყო, ჩვენი პოლიცია ჩვენს ხალხში ავტორიტეტით სარგებლობს და თუ ისინი ამას გააკეთებენ, მაგას რა სჯობია? მთავრობის მთელი კაბინეტისადმი ჩვენ უნდობლობითა და კრიტიკულად ვართ განწყობილი, რადგან კარგი განცხადებების ან იდეების მქონე ერთი მინისტრი ვერ შეცვლის ამას, თუ მთელი სახელმწიფო მანქანა არ იქნა მიმართული სწორი მიმართულებით.
ამ ეტაპზე, ქვეყნისათვის მნიშვნელოვანია ორი რამ: ქვეყნის მშვიდობიანი დეოკუპაცია და სიღარიბის ჭაობიდან ამოყვანა. თუმცა იმ საკითხებთან დაკავშირებით, რისთვისაც ხმა მისცა ქართველმა ხალხმა “ქართულ ოცნებას”, კოალიციის სამოქმედო პროგრამაში ან საერთოდ არაფერი არის ნათქვამი ან კიდევ ვადებს არ აკონკრეტებენ, _ განაცხადა გიორგი ბარამიძემ.
გიორგი ბარამიძემ გაგვიმხილა, რომ ის კენჭისყრაში მიიღებს მონაწილეობას.
მან, ასევე, აფრასიძეების წინააღმდეგ ჩატარებულ სპეცოპერაციაზეც გააკეთა კომენტარი: _ აფრასიძეების პროკურატურის მიერ იყვნენ ძებნილები, მათ ბრალი ედებოდათ ადამიანის გატაცებაში, მკვლელობასა და სხვადასხვა დანაშაულში. ისინი ატერორებდნენ ხალხს.
_ ბატონო გიორგი, აფრასიძეებისლიკვიდაცია აუცილებელი იყო?
_ ლიკვიდაცია არასდროს არის აუცილებელი. პირიქით _ ამოცანაა დაიჭირო, მაგრამ, როდესაც პოლიციას ავტომატებით და ყუმბარტყოცნებით ებრძვიან, პოლიცია პასუხს დაუბრუნებს მათ. ვინმეს აფრასიძეების პირადი ჯინი ან მტრობა ჰქონდა შინაგან საქმეთა სამინისტროში? სამწუხაროდ, ორი ადამიანი დაიღუპა შეიარაღებული წინააღმდეგობის შედეგად, მაგრამ კინაღამ დაიღუპა 15 სპეცრაზმელი. ოპერაცია დაახლოებით ნახევარი საათის განმავლობაში მიმდინარეობდა. აფრასიძეებმა ვეტრფენს გაუხსნეს ცეცხლი, როდესაც ის უნდა დამჯდარიყო და ვეტრფენი მხოლოდ მაღალი პროფესიონალიზმის შედეგად გადარჩა. აფრასიძეები პირველ რიგში ატეროირებდნენ სვანეთში მყოფ ადამიანებს და იქ მშვიდად ვერავინ ვერ გაივლიდა, _ გვითხრა გია ბარამიძემ.
