_ ადასტურებთ ბატონო ბაჩო, რომ თქვენ ხართ თბილისში და დაბრუნდით დღეს?
_ ჩამოვედი. ამ წუთას ვარ უბრალოდ ქუთაისში. თბილისში არ ვარ.
_ ბატონო ბაჩო, გავრცელდა ინფორმაცია, რომ თქვენზე შესაძლებელია იყოს რამე პოლიტიკური დევნა. რამე დევნას გრძნობთ ახლა, ამ წუთში?
_ რა დევნას უნდა ვგრძნობდა ახლა? არაფერს. მოვდივარ ახლა, ამ წუთში. არაფერი განსაკუთრებული. ეხება მხოლოდ იმას, რა კონტექსტში განვითარდა რაღაც მოვლენები. ზოგადად და მთელი ამ ხნის განმავლობაში და გამომდინარე აქედან იყო ეს დასკვნა გაკეთებული.
_ სად იმყოფებოდით, თუ საიდუმლო არ არის და რატომ წახვედით ასე მოულოდნელად?
_ მთელი ამ ხნის განმავლობაში, მე მგონი, აკვირდებოდით მოვლენებს. იყო მთელი რიგი პოლიტიკური განცხადებები, რომელიც გულისხმობდა, თითქოს მე და ჩემთან დაკავშირებული ვიღაც ხალხი ვაპირებთ რაღაც არეულობას. იარაღებია სადღაც გატანილ-გადმოტანილი. არჩევნებამდე რამდენიმე დღით ადრე, თან გამომდინარე იქედან, რომ არანაირი თანამდებობა არ მეკავა, არანაირი სახელმწიფოებრივი ვალდებულებები არ მეკავა, ჩავთვალე, რომ ახლა იყო დრო, ვიღაცას დამატებითი პროვოკაციების ან განცხადებების საფუძველი არ ჰქონოდა. Uუბრალოდ, რაღაც პერიოდი, სანამ ეს ხელისუფლება ბოლომდე არ აიღებდა ძალაუფლებას ხელში, დავტოვე ქვეყანა რამდენიმე თვით.
_ ბატონო ბაჩო, გარკვეული დრო გავიდა ციხის სკანდალური კადრებიდან, უფრო მშვიდად ვილაპარაკოთ ამაზე. რატომ, იყო თქვენს მიმართ ასეთი ბრალდებები და არ იკადრეთ პასუხი გაგეცათ მაშინ?
_ ბოლო წლების განმავლობაში, რიგი პოზიციები, რომელიც მე მეკავა. თავისთავში გულისხმობდა რაღაც სახის თვითშეკავაებასაც ნებისმიერ აბსურდულ ბრალდებებზე. ეს არ იძლეოდა ასეთ ღია ფორმატის საშუალებას, სრულიად აბსურდულ ბრალდებებზდე გამეცა პასუხი. ახლა პირიქით, გვაქვს ინტერესი, სწორედ ყველაფერი გაირკვეს. Gგაირკვეს რეალურად, რატომ იყო ეს ბრალდებები და რა პირდაპირი კავშირი შეიძლებოდა მე ამასთან მქონოდა…
ამიტომ ჩამოვედი ქვეყანაში რაც შეიძლება ყველაფერი ჩქარა გაირკვეს. იყო რამე კავშირი, ჰქონდა თუ არა ამას რამე კავშირი ჩემთან თუ არა. იყო თუ არა ასეთი დანაშაულებრივი ქმედებები ჩემს მიერ ჩადენილი. ამიტომ ვამბობ, მზად ვარ, ნებისმიერ სახის, ნებისმიერი ფორმატის გამოძიებისთვის. იქნება საგამოძიებო კომისია, იქნება პროკურატურა თუ არ ვიცი, სხვა ჯგუფს თუ ვინმე მოიფიქრებს. მზად ვარ, ნებისმიერ კითხვაზე გავცე ამომწურავი პასუხი.
_ პოლკოვნიკ თეთრაძის სიკვდილთან დაკავშირებით რა შეგიძლიათ თქვათ?
_ მე რა უნდა შემეძლოს გიპასუხოთ?! მეც ისეთი ინფორმაცია მაქვს, როგორც თქვენ. ის მაქვს გაგებული, რაც თქვენ. მე როგორც ვიცი და გამიგია, ადამიანი გარდაიცვალა ციხეში. მე რა უნდა ვთქვა? აბსოლუტურად ზედმეტი დამატებითი ინფორმაცია მე ამაზე არ მაქვს. დარწმუნებული ვარ, ბევრი ტყუილი და ჭორი ვრცელდება, მაგრამ აბსოლუტურად ყველაფერი გაირკვევა. გაურკვეველი არაფერი არ იქნება. არ დაიმალება, არ დაიკარგება.
_ თქვენ თავდაცვის მინისტრი იყავით მაგ დროს და იმიტომ გეკითხებით…
_ ბატონო კობა, თავდაცვის მინისტრი ვიყავი. ადამიანი ციხეში გარდაიცვალა. რა შემიძლია გითხრათ?! მე რაც გავიგე და მითხრეს, გულის შეტევით თუ გულის პრობლემით გარდაიცვალა. გავიგე წივილ-კივილი ქუჩაში, პოლიტიკური ჯგუფების რომ უფრო მოკლეს, ჩამოახრჩევეს თუ რაღაცა… მე ოფიციალური ვერსიის მჯერა.
_ თქვენ წერილში წერთ: „მიუხედავად იმისა, რომ “ქართული ოცნების” მიერ გაცხადებული პოლიტიკა ეწინააღმდეგება ქვეყნის ინტერესებს, ვთვლი რომ არჩევნები იყო მნიშვნელოვანი ეტაპი“… რაში გულისხმობთ, რომ ეწინააღმდეგება “ქართული ოცნების” გაცხადება…
_ ახლა ძალიან ვცელ საუბარს ამ ამბებთან დაკავშირებით ვერ შევძლებთ. მაგრამ, არის მთელი რიგი ნიუანსები, რომელთა მიმართებაში ჩვენ გვაქვს ფუნდამენტურად განსხვავებული ხედვა. არის მთელი რიგი განცხადებები, რომელსაც ვერ დავეთანხმები. ამასთან დაკავშირებით, მოგვიანებით, დეტალურად თუ გნებავთ, მერე დავილაპარაკოთ.
_ თქვენმა წინამორბედმა, დიმიტრი შაშკინმა, რომელიც ამერიკაში იმყოფება, თქვა რომ თავდაცვის სამინისტროს აქვს მართლაც რამდენიმე ათეული მილიონი ვალი, რომელიც ჩემმა წინამორბედმა დააგროვაო. ასი მილიონი საიდან დაუგროვდა თავდაცვის სამინისტროს ბიუჯეტს?
_ ბიუჯეტზე როცა ვლაპარაკობთ, ცოტა ელემენტარულად, კონკრეტული რაღაცა უნდა მითხრათ. დახარჯვა, რამე ეგეთი, არ არსებობს. ჩვენ გვქონდა ბიუჯეტის ხარჯვის წესები, გვქონდა წინასწარი შეთანხმებები, რა პერიოდში, რა დროს შეგვეძლო დამატებითი სახსრის მიღება. ეს იყო შარშან. იგივე მეთოდი იყო წელსაც გამოყენებული. დახარჯვას და სხვა სახის ქმედებებს ადგილი არ ჰქონია, უბრალოდ, ელემენტარულად იმ ადამიანებმა ვინც ბიუჯეტში იხედებიან ახლა და რაღაც ციფრებს ითვლიან, ორ დღეში ვერ მოასწრებენ. ცოტა დრო უნდა მოანდომონ, ერთი კვირა მაინც უნდა ჩაუჯდნენ, რომ გაერკვიონ, რაში იყო საქმე და რა ხდებოდა და როგორ მიმდინარეობდა. თან იქ არსებობენ კვალიციფიური კადრები, რომლებიც ყველაფერს აუხსნიან დეტალებში. არ არის ამის პრობლემა.
