ამ შენობათა შორის ბევრს, კომუნისტური ეპოქის შემდეგ, დაკარგული აქვს ფუნქციური დანიშნულება და უპატრონო ცხოველების სადგომადაა გადაქცეული. ტექსტური განმარტების დამატება საჭიროდ იმიტომ მივიჩნიეთ, რომ მათ შორის, ამჟამად მოქმედი სპორტული სკოლის და ჭადრაკის სახლის შენობებიც აღმოჩნდა.
ფოტოებიდანაც კარგად ჩანს რა სავალალო დღეშია შენობები, სადაც ბავშვები ყოველდღიურად საფრთხის ქვეშ მეცადინეობენ.
ლანჩხუთის სპორტული სკოლის ადმინისტრაციას ეყო გონიერება, სკოლაში მეცადინეობები დროებით გაეუქმებინა. ამჟამად ადმინისტრაციაც და სპორტული სექციებიც საცურაო აუზის შენობის მეორე სართულეზეა განლაგებული. ჭადრაკის გაკვეთილები ნახევრად დანგრეულ ხის შენობაში ტარდება, ხოლო ფეხბურთსა და რაგბში ღია მინი მოედნებზე ავარჯიშებენ ბავშვებს.
ჭადრაკის სკოლის ერთ-ერთი მასწავლებელი ამბობს, რომ ავარიული სპორტული სკოლა საფრთხეს არა მხოლოდ შიგ შესულ ადამიანს, არამედ ნებისმიერ გამვლელს უქმნის საფრთხეს. – – ზამთარში სახურავში წყალი ჩადის და იყინება. ეს კი ნგრევას უფრო აძლიერებს, ჩამოცვენილმა აგურებმა შეიძლება ადამიანის სიცოცხლეც კი შეიწიროს. ასეთი შემთხვევის მოწმე თავად გახლდით, ბეწვზე გადაურჩა გამვლელი ქალი სიკვდილს, – ამბობს ჭადრაკის მწვრთნელი.
ჭადრაკის სკოლა 1985 წელს აშენდა. ის მსუბუქი ბამბუკის კონსტრუქციითა ნაშენი, რომელზეც დრომ თავისი კვალი უკვე დააჩნია. შელახული იატაკი და მოაჯირებიც რისკის ქვეშ აყენებს ბავშვების უსაფრთხოებას.
წინა “ნაციონალური” ხელისუფლება აქტიურად აპიარებდა ლანჩხუთის სპორტული კომპლექსის რეაბილიტაციის პროგრამას, რომელიც, საბოლოო ჯამში, არ შესრულდა. ხალხს კარგად ახსოვს ამ თემის გასაპიარებლად ლანჩხუთში ჩამოსული ბევრი ცნობილი “ნაციონალური” სახე.
ასეთი შენობები კიდევ მრავლად მოიპოვება ლანჩხუთში და მის მიმდებარე ტერიტორიაზე. ჩვენ მანამ გავაგრძელებთ მათი ფოტოების გამოქვეყნებას, სანამ მოქმედი თუ მომავალი ხელისუფლება კონკრეტულ გადაწყვეტილებამდე არ მივა და ამ მახინჯ შენობებს ახალ სიცოცხლეს არ მიანიჭებს.
აქ უნდა განთავსებულიყო ავტოსადგური
ჭადრაკის სახლი
ლანჩხუთის აგრარული ბაზარი
სპორტული სკოლა
რკინიგზის სადგურის ერთ-ერთი ობიექტი
