ამასთან დაკავშირებით, “გურია ნიუსი” სასჯელაღსრულების, პრობაციის და იურიდიული დახმარების სამინისტროს საზოგადოებასთან ურთიერთობის სამსახურის უფროსს, რეზო ხოფერიას ესაუბრა:
“ჩხუბის შესახებ ინფორმაცია არ გვაქვს. თუ მოხდა ისეთი ფაქტი, რომ ერთმა პატიმარმა მეორე პატიმარს სიტყვიერი შეურაცხყოფა მიაყენა, ამას ჩვენ ვერ ვაკონტროლებთ _ ადამიანს ლაპარაკს ვერ ავუკრძალავთ; პატიმარი თუ ყვირის, იმას ცალკე ციხეს ვერ ავუშენებთ.
ისე, ინფორმაციისთვის მინდა გითხრათ, ისინი ერთმანეთისგან საკმაოდ შორს და იზოლირებულები არიან. მათი ფიზიკური შეხვედრა ვერანაირად ვერ მოხდებოდა.
სამწუხაროდ, სიტყვიერ შეურაცხყოფას ვერ ვადასტურებთ, ამის გადამოწმებას ვერ ვახერხებთ, რადგან იქ აუდიოკონტროლი არ ხდება. ორივესთან ვიდეოკონტროლი ხდება, მაგრამ აუდიოჩანაწერი, ის რას ამბობს და რას _ არა, ამას ვერ ვაკონტროლებთ. ვესაუბრეთ მატროსოვის ციხის უფროსს, რომელმაც განაცხადა, არაფერი არ მოხდარაო.
მაგრამ გამყარებულად, ეს ფაქტი არ მომხდარა,-მეთქი ვერ ვიტყვი, რადგან ამის დამადასტურებელს ვერაფერს დავდებ. აუდიოჩანაწერი ხომ არ მაქვს, ვამტკიცო, არა, არ უგინებია-მეთქი. ასეთ რამეს თუ ჰქონდა ადგილი, სამწუხაროა”, _ ამბობს ხოფერია.
