ბრალდებულმა, 2 ოქტომბერს, დაბა ზაჰესში, სოხუმის ქუჩაზე მცხოვრებ, 1967 წელს დაბადებულ ვახტანგ მეშველაშვილს, საკუთარ სახლში, ფიზიკური და სიტყვიერი შეურაცხყოფა მიაყენა, სასტიკად აწამა და ცივი იარაღის გამოყენებით, სხეულზე რამდენიმე ჭრილობა მიაყენა, რის შედეგადაც, ის ადგილზე გარდაიცვალა. შემთხვევის დროს, მკვლელიც და მსხვერპლიც ნასვამ მდგომარეობაში იმყოფებოდნენ. დადგინდა, რომ ბრალდებული და მოკლული ახლო მეგობრები იყვნენ.
საქმე სისხლის სამართლის კოდექსის 108-ე (განზრახ მკვლელობა) მუხლით აღიძრა. დანაშაული 7-დან 15 წლამდე პატიმრობას ითვალისწინებს. გამოძიებას შსს მცხეთა-მთიანეთის სამხარეო მთავარი სამმართველო აწარმოებს.
