პოლკოვნიკ ჩაჩიბაიას ბაჩო ახალაიას თავდაცვის სამინისტროში მისვლის შემდეგ, ჯერ გენშტაბის უფროსის თანამდებობა დაატოვებინეს, შემდეგ მინისტრის მოადგილის და ამ დრომდე ამერიკის შეერთებულ შტატებში საქართველოს ელჩის მრჩევლად მუშაობდა.
ვლადიმერ ჩაჩიბაია დაიბადა 1971 წლის 4 ნოემბერს.
განათლება:
სამხედრო განათლება:
1993-1994 გაერთიანებული სამხედრო აკადემია, თბილისი, საქართველო.
1999 ქვეით ოფიცერთა მომზადების ძირითადი კურსი, ფორტ ბენინგი, ჯორჯიის შტატი, ა.შ.შ.
2002-2003 სამეთაურო და გენერალური შტაბის ოფიცერთა კურსი, ა.შ.შ.
2007-2008 აშშ-ის არმიის ომის კოლეჯი.
სამოქალაქო განათლება:
2004 საქართველოს საბაჟო აკადემია, იურიდიული ფაკულტეტი, თბილისი.
კურსები:
1995 – დაზვერვის სპეციალური კურსი.
1998 – ზოგადი და სამხედრო ინგლისურის და საორიენტაციო კურსი. რიპონისა და იორკის უნივერსიტეტის კოლეჯი, ინგლისის გაერთიანებული სამეფო.
1999 – ამერიკული ძირითადი ენის კურსი, სამხედრო ენის კოლეჯი, ლაკლანდის სამხედრო საჰაერო ძალები, ტეხასი, ა.შ.შ.
2000 – სნაიპერთა სკოლა, სპეც. დანიშნულების ძალები, თბილისი, საქართველო.
2000 – სამთო-სათხილამურო მომზადება, ანდერმატი, შვეიცარია.
2000 – ზვავსაწინააღმდეგო მომზადება, ანდერმატი, შვეიცარია.
2001- საჰაერო სადესანტო მომზადება, სპეც. დანიშნულების ძალები, თბილისი, საქართველო.
2005 – სამხედრო მართლმსჯულების განვითარება, საერთაშორისო იურიდიულ მეცნიერებათა ა.შ.შ. თავდაცვის ინსტიტუტი; თბილისი, საქართველო.
2002 – ამერიკული სპეციალური ენის კურსი, სამხედრო ენის კოლეჯი, ლაკლანდის სამხედრო საჰაერო ძალები, ტეხასი, ა.შ.შ
2003 – მობილური ჯგუფის საშტაბო ინტეგრაციის კურსი, თბილისი, საქართველო.
2003 – ძირითადი მატერიალური პასუხისმგებლობის სახელმძღვანელო პროცედურები, თბილისი, საქართველო.
2003 – სამხედროები, მედია და დემოკრატია. უილიამ ალენ უაითის ჟურნალისტიკისა და მასობრივი კომუნიკაციების სკოლა და საერთაშორისო პროგრამების ოფისი, ლორენსი, კანზასი, ა.შ.შ.
სამუშაო გამოცდილება:
1989-1991 რიგითი, სამხედრო საჰაერო ძალები, სსრკ, საქართველო.
1991-1992_ სერჟანტი, ეროვნული გვარდია.
1992-1993 – ოცეულის მეთაური, ეროვნული გვარდია.
1993 -1994 _ სამხედრო აკადემიის კურსანტი.
1994-1995 _ ქვეითი ოცეულის მეთაური, 25-ე ქვეითი ბრიგადა.
1995-1996 _ დაზვერვის ბატალიონი, AGS-17 ოცმეთაური.
1996-1998 _ დაზვერვის ბატალიონის ასმეთაურის მოადგილე.
1998-1999 _ ცალკეული დაზვერვის ბატალიონის S-3 ოფიცერი (ტოპოგრაფიული სამსახურის უფროსი).
1999-2000 _ სწრაფი რეაგირების ძალები ინსტრუქტორთა ჯგუფის მეთაურის მოადგილე (შეიარაღების სპეციალისტი).
2000-2001_ სწრაფი რეაგირების ძალები საბრძოლო მზადყოფნის ოფიცერი.
2001-2002 _ G-2 ის უფროსი, სპეც. დანიშნულების ბრიგადა.
2002-2003 – პირადი შემადგენლობის ოფიცერი, სპეცდანიშნულების ბრიგადა.
2003-2005 _ პირველი ქვეითი ბრიგადის შტაბის უფროსი.
2004 – ქართული სამშვიდობო კონტიგენტის მეთაური ერაყში.
2005 – მესამე ქვეითი ბრიგადის მეთაური.
2005-2006 _ გენერალური შტაბის J-3 დეპარტამენტის უფროსი.
2006 _ სახმელეთო ჯარების შტაბის უფროსი და სახმელეთო ჯარების სარდლის მოვალეობის შემსრულებელი.
2006 _ გენერალური შტაბის უფროსის მოადგილე.
2007 _ გენერალური შტაბის J-3 დეპარტამენტის უფროსი.
2008 სექტემბერი – ნოემბერი – საქართველოს შეიარაღებული ძალების გაერთიანებული შტაბის განათლების დეპარტამენტის უფროსი.
2008 წლის ნოემბერი – 2009 წლის მარტი _ შეიარაღებული ძალების გაერთიანებული შტაბის უფროსი.
ჯილდოები:
1999 _ მედალი საბრძოლო მიღწევისათვის.
2002 _ სახელობითი”მაკაროვის” ტიპის პისტოლეტი.
2006 _ გენერალ მაზნიაშვილის მედალი.
2007 – სახელობითი”გლოკ-19″-ის ტიპის პისტოლეტი.
2009 წელს, ვლადიმერ ჩაჩიბაიას გენშტაბის უფროსის თანამდებობიდან გათავისუფლებას”დემოკრატიული მოძრაობის” ლიდერი ნინო ბურჯანაძე მწვავედ გამოეხმაურა: “პოლკოვნიკი ჩაჩიბაია, წინააღმდეგი იყო არმიის შიდა პოლიტიკურ დაპირისპირებაში გამოყენებისა და ისეთი სამხედრო პროვოკაციის განმეორებისა, როგორიც იყო აგვისტოს მოვლენები. სწორედ ეს გახდა კიდეც პოლკოვნიკ ჩაჩიბაიას ხელმძღვანელობასთან დაპირისპირების მიზეზი.
ასევე, გვაქვს დადასტურებული ინფორმაცია, რომ გაერთიანებულ შტაბს ფაქტიურად უხელმძღვანელებს თავდაცვის მინისტრის მოადგილე ბაჩო ახალაია, რომელსაც 4 მარტს თათბირზე პრეზიდენტმა მიხეილ სააკაშვილმა ღიად დაავალა შეიარაღებული ძალების საბრძოლო მომზადება და კონტროლი,” _ განაცხადა ნინო ბურჯანაძემ.
2 კვირის წინ საქართველოს პრეზიდენტის გადაწყვეტილებით გაერთიანებული შტაბის უფროსს ოთხის ნაცვლად ხუთი მოადგილე ეყოლება. გენერალი ვახტანგ კაპანაძე შტაბის უფროსის პირველ მოადგილედ რჩება.
