“დღეს, 28 დეკემბერს, ავარიულად დაზიანდა მე-8 მაგისტრალური წყალდენის მცხეთის გზაზე, საგურამოს გადასახვევთან გამავალი მონაკვეთი. მაგისტრალური წყალდენის დაზიანების მიზეზი ქანების წონასწორობის რღვევით წარმოქმნილი მეწყერი გახდა.
აღნიშნულის გამო, სავარაუდოდ, ორი დღის განმავლობაში წყალს შეფერხებით მიიღებს:
- ვაჟა-ფშაველას კვარტლები, ნუცუბიძის ქუჩა და ნუცუბიძის ფერდობები, მთაწმინდა-სოლოლაკის ზედა უბნები, კრწანისის რაიონის ნაწილი, ზემოვერეს, ზემოვაკისა და ბაგების დასახლებები
- კოჯორი, წყნეთი, კიკეთი, წავკისი, ტაბახმელა, შინდისი
- წეროვანში კომპაქტურად ჩასახლებულ დევნილთა და ზაჰესის დასახლებები.
ორი დღის განმავლობაში ასევე შესაძლებელია, წყალი შეფერხებით მიიღონ:
- გლდანის მასივის III, IIIა, V, VI, VII, VIII, მ/რაიონებმა
- თემქის III მ/რაიონმა
- მუხიანის სამხედრო, კონიაკისა და გლდანულას დასახლებებმა
- სოფლებმა – გლდანმა და გიორგიწმინდამ
- მუხიანის I, II, III მ/რაიონებმა
- სასჯელაღსრულების დეპარტამენტის გლდანის N8 საპატიმრომ.
კომპანიის საავარიო ბრიგადები უკვე შეუდგნენ დაზიანების სალიკვიდაციო სამუშაოების განხორციელებას.
დაზიანების ხარისხისა და ადგილმდებარეობის სირთულის გათვალისწინებით, დაზიანების აღმოფხვრა, სავარაუდოდ, 30 დეკემბერის 22:00 საათისთვის გახდება შესაძლებელი. შესაბამისად, ჩამოთვლილ უბნებს წყალმომარაგება ჩვეულ რეჟიმში 30 დეკემბრის 23:00 საათიდან ეტაპობრივად აღუდგება.
“ჯორჯიან უოთერ ენდ ფაუერი” შეეცდება შეამციროს წყალმომარაგების შეზღუდვით გამოწვეული დისკომფორტი და სარეაბილიტაციო სამუშაოების ჩატარება შესაძლებლად მოკლე დროში დაასრულოს.” – ნაქვამია განცხადებაში.
