და ელექტრონულ მოწმობებთან დაკავშირებით დისკუსია გამართა. მინისტრის გადაწყვეტილებით შეხვედრა მედიისთვის დაიხურა, თეა წულუკიანს კომენტარი არც შეხვედრის დასრულების შემდეგ გაუკეთებია. შეხვედრის დაწყებამდე კი მან მედიასთან განაცხადა, რომ მისთვის ეს “ძალიან მნიშვნელოვანი და საინტერესო თემაა”
“დღეს ვხვდები მართლმადიდებელ მოქალაქეთა კრებულს, რომელსაც უკიდურესად აწუხებს ID ბარათების თემა და თვლის, რომ ეს დუკუმენტი ზღუდავს მათ რელიგიურ თავისუფლებას, ხელყოფს მათი პირადი მონაცემების გაცვლას, რაც არის კონსტიტუციური უფლება და მე მოვედი იმისთვის, რომ მოვისმინო რა არის ამ წუხილის საფუძველი. რა თქმა უნდა საბოლოო პასუხი დღეს ვერ იქნება, რადგან მე ვარ მოსმენის პროცესში. მოსმენის სამუშაო უნდა ჩატარებულიყო მანამდე, მაგრამ ეს არ ჩატარებულა წინა ხელისუფლების მიერ ,ამიტომ მე მიწევს ეს სამუშაო ჩავატარო ,რომ გავიგო არის თუ არა რაიმე გამოსასწორებელი.ეს ჩემთვის ძალიან მნიშვნელოვანი და საინტერესო თემაა.”-განაცხადა იუსტიციის მინისტრმა.
მართლმადიდებელ მოქალაქეთა კრებული ქვეყანაში ალტერნატიული პირადობის მოწმობების შემოღებას ითხოვს და არ გმობს იმ ადამიანების ქმედებას, რომლებმაც უკვე აიღეს ან მომავალში აპირებენ ჩიპიანი მოწმობის აღებას. იურისტი ლევან ბოძაშვილი ამბობს, რომ ელექტრონული ბარათების უალტერნატივო გაცემა სახელმწიფოს მხრიდან რწმენის თავისუფლების შეზღუდვაა,ამავდროულად ის იწვევს პირადი ცხოვრების უფლების დარღვევას. ის თვლის, რომ სახელმწიფომ მართლმადიდებლებს ალტერნატივის სახით ჩვეულებრივი მოწმობებით სარგებლობის საშუალება უნდა მისცეს, თუნდაც ეს მხოლოდ შიდა მოხმარების დოკუმენტებზე გავრცელდეს. რაც შეეხება საზღვარგარეთის პასპორტებს, აქ მრევლი თანახმაა გარკვეულ კომპრომისებზე წავიდეს. მინისტრთან შეხვედრამ სასულიერო პირები კმაყოფილი დატოვა.
“დღემდე ეს საკითხი იყო დახურული და ღვთის წყალობით სახელმწიფოსთან უკვე დაიწყო ამაზე საუბარი. წინა მთავრობასთან არანაირი შეხვედრა არ გამართულა, საზოგადოების აზრი ელექტრონულ პირადობის მოწმობებთან დაკავშირებით არ ყოფილა მოსმენილი და აქედან გამომდინარე სახელმწიფოს მხრიდან მისი შემოღება ცალმხრივად მოხდა. მისასალმებელია, რომ ეს შეხვედრა შედგა და პროცესი მკვდარი წერტილიდან დაიძრა.”-ამბობს მამა დავითი (დათუაშვილი) წმინდა მთავარანგელოზის სახელობის ეკლესიის წინამძღვარი. რატომ არის ელექტრონული პირადობის მოწმობა საფრთხის შემცველი, ამას სასულიერო პირები არ აკონკრეტებენ.
“ეს არის რწმენის საკითხი, თუ წმინდა წერილი არ გაქვთ წაკითხული ძნელია გელაპარაკოთ ანტიქრისტეს წერილზე და დავამტკიცო რომ ეს არის დიდი საშიშროება, ეს ბარათი არ შეიცავს ანტიქრისტეს ბეჭედს, მაგრამ როდესაც ადამიანი მიდის ექიმთან და სიმპტომების გარეშე იწყება მკურნალობა, შედეგს ვერ მიიღებს.სწორედ ეს სიმპტომებია ამ ბარათში. და იმის გამო, რომ ამ ბარათში იქნება დაფიქსირებული ადამიანის ყველა ქონებრივი უფლება,ის იძულებული გახდება უარი თქვას თავის რელიგიურ შეხედულებებზე.”ამბობს მამა დავითი. მართლმადიდებელთა საორგანიზაციო კრებულის ხელმძღვანელის ზაზა ნანობაშვილის თქმით იუსტიციის მინისტრმა მოისმინა მრევლის მოსაზრება და მომავალი შეხვედრის თარიღიც დაინიშნა. აპირებს თუ არა იუსტიციის სამინისტრო კომპრომისზე წასვლას, ჯერჯერობით უცნობია. მინისტრად დანიშვნიდან რამოდენიმე დღეში ელექტრონული პირადობის მოწმობა თავად წულუკიანმაც აიღო.
