“მარტვილის პოლიციის რაიონული სამმართველოს მიერ იძებნება უგზო-უკვლოდ დაკარგული, 1971 წელს დაბადებული, მარტვილის რაიონის სოფელ ნაჯახაოში მცხოვრები ზაზა გიულის ძე დანელია, რომელიც 2013 წლის 12 იანვარს, სახლიდან გავიდა და აღარ დაბრუნებულა. დღემდე, მისი ადგილსამყოფელი უცნობია.
აღწერილობა: 170 სმ. სიმაღლის, საშუალო აღნაგობის, ოდნავ გამელოტებული, შავი თმებით, თაფლისფერი თვალებით; მეტყველებაშეზღუდული, მარცხენა ხელი აქვს პარალიზებული.
ჩაცმულობა: შავი ველვეტის შარვალი; ლურჯი ჯინსის, ღილებიანი ქურთუკი; ღია ყავისფერი, ელვა-შესაკრავიანი ჯემპრი; შავი, ტყავის, მაღალყელიანი ე.წ. „ბატინკები”.
თუ ვინმეს გაგაჩნიათ ინფორმაცია აღნიშნული პიროვნების შესახებ, დაგვიკავშირდით ნომერზე: 577 526947
2011 წლის 6 იანვრიდან, კასპის პოლიციის რაიონული სამმართველოს მიერ, იძებნება უგზო-უკვლოდ დაკარგული, კასპში, ჯორჯიაშვილის ქ. № 9-ში მცხოვრები, 1987 წელს დაბადებული ვახტანგ ალექსანდრეს ძე საგინაშვილი, რომელიც 2011 წლის 5 იანვარს სახლიდან გავიდა და შინ აღარ დაბრუნებულა.
ვახტანგ საგინაშვილის აღწერილობა: ხორბლისფერი კანი; საშუალო სიმაღლის; თაფლისფერი თვალები; შავი, სწორი თმა; შავი, ხშირი წარბები და სწორი ცხვირი.
ტანთ ეცვა: ზოლიანი, სპორტული, შავი შარვალი; ლურჯი, თეთრზოლიანი სპორტული ფეხსაცმელი; ლურჯი, ნაქსოვი მაისური და მოკლე ყავისფერი ქურთუკი.
განსაკუთრებული ნიშნები: მარჯვენა ბეჭზე აქვს ვარსკვლავის ფორმის ტატუ, რომლის ქიმებზეც აწერია უცნობი ასოები.
თუ ვინმეს გაგაჩნიათ ინფორმაცია აღნიშნული პიროვნების შესახებ, დაგვიკავშირდით ნომრებზე: 577553082, 577525150″ _ ნათქვამია შსს-ს მიერ გავრცელებულ განცხადებაში.
