ოზურეგთელი დავით დარჩიას მიერ, რომელიც ივანიშვილის სტუდენტობის მეგობარია, პრემიერ მინისტრთან ჩატანილ ინფორმაციას სავარაუდოდ, გურიის სამხარეო მთავარი სამმართველოს უფროსის, ზაზა პეტრიაშვილის სავარძელი შეეწირა. ინფორმაციის ან უარყოფას ან დადასტურებას “გურია ნიუსი” შსს-ს პრესსამსახურიდან ორი დღეა, უშედეგოდ ელოდება.
ამ თემაზე დღეს ზაზა პეტრიაშვილი არ საუბრობს, ჩვენს კითხვებს არც დავით დარჩია პასუხობს.
ოზურგეთის მუნიციპალიტეტის საკრებულის წევრი ლელა ნაცვალაძე ჟურნალისტებთან შეხვედრისას აცხადებს, რომ არ შეიძლება, ერთი და ორი ადამიანის ახირებას გადაყვეს ადამიანები და ამან ამოიწვიოს იმედგაცრულება ხალხში.
“ოზურგეთი აუღებელი ციხესიმაგრე გახდა. ყველამ კარგად იცის, საჯარო მოხელის, გამგებლის, მიერ ჩადენილი დანაშაულის შესახებ. ამ ფაქტთან დაკავშირებით სამართალდამცავებმა დაიწყეს სრულყოფილი გამოძიება, დაიკითხა თუკი ვინმე შეიძლებოდა, მათ შორის მეც, მაგრამ დღეს რაც მოხდა, ეს ყველამ კარგად იცის. დაზარალებულიც და შემსრულებელიც უარყოფს ამ ფაქტს, თუმცა მაჟორიტარმა დეპუტატმა თითქმის დაადატურა, მან ვერ უარყო ფაქტი და აღიარა, რომ ამის შესახებ იცოდა.
ახლა ხდება ის, რომ არანაირი რეაგირება არსაიდან, არც პოლიტიკური პასუხისმგებლობა ამაზე არ არსებობს, მათ შორის, არც მუნიციპალიტეტის საკრებულოდან, მე ველოდები საკრებულოს თავმჯდომარის მხრიდან პასუხს ამასთან დაკავშირებით.”
ლელა ნაცვალაძე ხაზგასმით აღნიშნავს, რომ ოზურგეთის მუნიციპალიტეტის გამგებლის მოვალეობის შემსრულებლის კოტე შარაშენიძის საქმის გადასაფარავად გააკეთა დავით დარჩიამ ყველაფერი.
“ტელევიზიით გამოსვლისას ბრძანა ბატონმა ბიძინამ, რომ მისი თანაგუნდელი დავით დარჩია, უკვე არის არჩეული პოლიტიკური პარტიის “ქართული ოცნება დემოკრატიული საქართველოს” ოზურგეთის რაიონული ორგანიზაციის თავმჯდომარედ, თუმცა ამის შესახებ ჩვენ არაფერი ვიცით, იმიტომ რომ ჯერ კონფერენცია არც კი ჩატარებულა, ჩადის დავით დარჩია ივანიშვილთან და აწვდის ცრუ ინფორმაციას იმის შესახებ, რომ ის უკვე არჩეულია.
ასევე აწვდის ცრუ ინფორმაციას, იმასთან დაკავშიორებით, რომ ივანიშვილის თანაგუნდელს, მის უახლოეს მეგობარს ოზურგეთში, თურმე პოლიციის უფროსი გადაბირებას უპირებდა.
მე მინდა, პირდაპირ თქვენი საშუალებით მივმართო ბატონ ბიძინა ივანიშვილს!
დავით დარჩიამ, ის ინფორმაცია თუ ჩაუტანა ბიძინა ივანიშვილს, რომ დავით დარჩიას რჩეული, ფავორიტი, მისი ხელით დასმული კოტე შარაშენიძე, რომელიც ოზურგეთის მუნიციპალიტეტის გამგებელია, სჩადის კრიმინალს, რომლის გამოძიებაც ჩაიფარება უკვე, ამ ინფორმაციას თუ აწვდის დავით დარჩია ბატონ ბიძიან ივანიშვილს?” _ აღნიშნავს ლელა ნაცვალაძე ჟურნალისტებთან საუბრისას.
„კიდევ ერთ მაგალითს მოგიყვანთ, როგორ სწრაფად გებულობენ ინფორმაციებს და როგორ სწრაფად გადის ეს გარეთ. აი, ოზურგეთში, მაგალითად, როდესაც ჩვენ პარტიულ ორგანიზაციებს რეგიონებში ვნერგავთ, იქ პარტიული ორგანიზაციის ხელმძღვანელად, ჩემი სტუდენტობის დროინდელი მეგობარი, დავით დარჩია აურჩევიათ ჩვენებს, ახალი პარტია მაქვს მხედველობაში. დავით დარჩია ჩამოვიდა თბილისში და მეუბნება, რომ იქაური პოლიციის უფროსი მივიდა მასთან და ეუბნება, რაღა გინდა ამ პარტიაში, იქ ყველაფერი გადაწყვეტილია, ყველა პროცესი დასრულებულია, ირაკლი ალასანია იქნება პრეზიდენტი და ჯობია, იმ გუნდში წამოდი, რაღა გინდა აქო. აი, ეს ელემენტარული უყურადღებობა იყო ირაკლის მხრიდან, რაც სულ სხვანაირად გავრცელდა რეგიონებში… _ ეს ამბავი პრემიერ-მინისტრმა გუშინ მოუყვა ჟურნალისტებს…
