შეგახსენებთ, რომ სამივე მათგანი “ნაციონალური მოძრაობის” წარმომადგენლები არიან. საინტერესოა ის ფაქტორიც, რომ ხვალ, ლანჩხუთის გამგეობაში საკრებულოს სხდომაა, სადაც საკრებულოს თავმჯდომარე უნდა აირჩიონ.
რატომ დაიბარეს ჯერ კიდევ ხელისუფლებაში მყოფი პირები პოლიციაში, ამაზე კომენტარს მხოლოდ ნუგზარ ღლონტი აკეთებს, დავით ჩხაიძე უარყოფს ინფორმაციას, ხოლო კახა ასკურავა კომენტარს არ აკეთებს.
ნუგზარ ღლონტი: ზეწოლა არ განხორციელებულა, დავიკითხე მოწმის სახით. სტადიონთან დაკავშირებით ჰქონდათ კითხვები, აინტერესებდათ რაღაცეები.
_ კონკრეტულად რა აინტერესებდათ, ბატონო ნუგზარ?
_რაღაც შეკითხვები დამისვეს, იცით რა,საიდუმლოა რომ გიპასუხოთ. ამაზე საუბარი არ შეიძლება. ყოველ შემთხვევაში, ჯერჯერობით… მე რაც მეხებოდა, რა კითხვებიც დამისვეს, იმასთან დაკავშირებით ვნახოთ რა იქნება.
_ბატონო ნუგზარ, თქვენი აზრით ვისზე გასვლას ცდილობს გამოძიება?
_მე ვიყავი ინსპექტირების ჯგუფის ხელმძღვანელი, რომელმაც ჩავიბარე ეს ობიექტი. რაც ხელშეკრულებით იყო, ის ნორმალურად არის ჩაბარებული და აქედან გამომდინარე იყო კითხვები: როდის დაიწყო მშენებლობა, ვინ იყო მშენებელი და ამაზე მომიწია პასუხის გაცემა. ჩემის მხრივ, რაიმე სხვა პრობლემური კითხვები არ ყოფილა, ვერ გეტყვით რა კუთხით მიმდინარეობს გამოძიება.
_ ბატონო ნუგზარ, შეიძლება თუ არა ეს ყველაფერი გიორგი გოგუაძეს უკავშირდებოდეს?
_ არ არის გამორიცხული, რომ გიორგი გოგუაძეც დაიკითხოს, გამგებელი იყო იმ პერიოდში, თუმცა ის შვებულებაში იყო და ხელი არ აქვს მგონი მიღება- ჩაბარების აქტზე მოწერილი, თუმცა ეს იმას არ ნიშნავს,რომ არ დაიბარონ. დაიბარებენ ალბათ, გამორიცხული არაფერია.მე მგონი, მე მეტს აღარ დამიბარებენ, თუ დამიბარებენ მივალ, არაა პრობლემა.
ლანჩუთის მუნიციპალიტეტის გამგებლის მოვალეობის შემსრულებელი კახა ასკურავა, რომელიც პოლიციაში დაკითხვაზე დღეს იმყოფებოდა ამ თემასთან დაკავშირებით “გურია ნიუსთან” კომენტარს არაკეთებს.
_ არ ვაკეთებ კომენტარს, _ გვითხრა ასკურავამ.
შსს ლანჩხუთის რაიონული სამმართველოს უფროსი გოჩა ჟღენტი “გურია ნიუსთან” მსგავს ფაქტს ადასტურებს, თუმცა დეტალებზე არ საუბრობს.
_მე დაგიდასტურებთ იმას, რომ კახა ასკურავა, ნუგზარ ღლონტი და დავით ჩხაიძე ლანჩხუთის პოლიციაში დაკითხვაზე ნამდვილად იმყოფებოდნენ, თუმცა რატომ, ამ ინფორმაციას ნამდვილად ვერ გეტყვით, _ გვითხრა პოლიციის უფროსმა.
