ამ გუნდების პირველი მატჩი ტურინში 1 : 1 დასრულდა _ პელუზოს (63 წ) გატანილ გოლს, მატჩის ბოლოსკენ მაურიმ (86 წ) უპასუხა.
უფრო საინტერესოდ და ძალიან დაძაბულად განვითარდა მოვლენები ”სტადიო ოლიმპიკოზე” რომში. პირველი ტაიმის ნულოვანი ფრის შემდეგ, 53-ე წუთზე ანგარიში რომაელმა გონსალესმა გახსნა, რომელმაც საკმაოდ ლამაზ სტილში თავით გადაგზავნა ბურთი სტორარის კარში. მატჩის მე-2 დამატებითი წუთი მიმდინარეობდა, როცა, არტურო ვიდალმა “ლაციოს” საჯარიმოში არსებული არეულობით ისარგებლა და ანგარიში გაათანაბრა. ყველაფერი იქით მიდიოდა, რომ თამაში დამატებით დროში უნდა გაგრძელებულიყო, თუმცა, მატჩის 94-ე წუთზე, მაურის კუთხურიდან ჩაწოდებული ბურთი ფლოკარიმ მეკარისგან მარცხენა კუთხეში თავით მოათავსა და “ლაციოს” 2:1 გაამარჯვებინა. უკანასკნელ წუთზე, მარკიზიოს ჰქონდა თითქმის ასპროცენტიანი მომენტი, როცა ცარიელ კარში ამატებდა, მაგრამ 5 მეტრიდან დარტყმული ბურთი იტალიის ნაკრების ნახევარმცველმა კარს ააცილა. ამ მოგებით, “ლაციო” იტალიის თასის ფინალში გავიდა, სადაც “რომასა” და “ინტერს” შორის გამარჯვებულს შეხვდება.
