50 მათგანმა მეტ ნაკლები სისრულით დააკმაყოფილა ინსტიტუტის მოთხოვნა, 11-მა მოთხოვნა უპასუხოდ დატოვა, ხოლო რუსთავის მერიამ აღნიშნულ მოთხოვნაზე ინფორმაციის მოწოდების ნაცვლად მხოლოდ განმარტა, რომ პრემია წარმოადგენს მოსამსახურის შრომითი გასამრჯელოს შემადგენელ ნაწილს, რომელიც გაიცემა წახალისების მიზნით.
ოზურგეთის მუნიციპალიტეტის ყოფილმა გამგებელმა, ილია ვაშაყმაძემ – 2012 წელს პრემიის სახით 7080 ლარი მიიღო, მან პრემია სამჯერ აიღო, მარტში, ივნისში და სექტემბერში, რაც შეეხება თავის მოადგილეს მიხეილ გოგოტიშვილს აპრილში და ივლისში 500-500 ლარი გამოუწერეს წლის განმავლობაში 1000 ლარი, მსგავსი რაოდენობის თანხა მიიღო გამგებლის კიდევ ორმა მოადგილემ, ლაშა ღლონტმა და ვლადიმერ ქვილორიამ.
სხვა თანამშრომლებისთვის გაცემული პრემიების სია ასე გამოიყურება – მერაბ წივწივაძე, ოზურგეთის მუნიციპალიტეტის გამგეობის ეკ.ინფრასტრუქტურის სამსახურის უფროსი, 450 ლარი, ნათია ვაშალომიძე _ სოციალური სამსახურის უფროსი 950 ლარი, (450 ლარი ივნისში და 500 ლარი აგვისტოში) აიღო, ადმინისტრაციის უფროსმა, გოჩა შილაკაძემ და არქიტექტურის სამსახურის თანამშრომელმა აგვისტოში პრემიის სახის 700-700 ლარი აიღეს. როგორც ოფიციალურ დოკუმენტში ვკითხულობთ, ოზურგეთის მუნიციპალიტეტში 2012 წელს 15 ადამიანზე გაიცა პრემია და წლიურად 15 443 ლარი შეადგინა.
ლანჩხუთის მუნიციპალიტეტის ყოფილმა გამგებელმა გია გოგუაძემ სამჯერ აიღო პრემია – იანვარში, აპრილში და ივნისში – სულ 7 080 ლარი. მისმა მოადგილეებმა ნუგზარ ღლონტმა და კახა ასკურავამ პრემია ოთხჯერ აიღეს, სულ 3600 ლარი. რაც შეეხება ყოფილი გამგებელის კიდევ ერთ მოადგილეს, გიორგი ჭყონიას, მისთვის პრემია 2012 წელს მხოლოდ ერთხელ არის გამოწერილი – 900 ლარი. გამგეობაში სხვა შტატიანი თანამშრომლებისთვის 2012 წელს პრემიისთვის 27 240 ლარი იყო გამოყოფილი.
ჩოხატაურის მუნიციპალიტეტის ყოფილმა გამგებელმა, ლელა იმედაშვილმა პრემია 2012 წელს ორჯერ აიღო, იანვარში – 2360 და აპრილში – 1180 ლარი. მისმა მოადგილებმა კი პრემიები ასე გაიყვეს: გია გიორგაძე – 1350 ლარი, დიმიტრი კორიფაძე – 1350. გამგეობის ადმინისტრაციული სამსახურის უფროსმა დავით ჯინჭარაძემ კი – 1050 ლარი, საფინანსო სამსახურის უფროსმა, ზურაბ ჩანტლაძემ – 1050 ლარი. ჩოხატაური პრემიების დარიგების კუთხით იმით განსხვავდება დანარჩენ გურიის დანარჩენ ორ მუნიციპალიტეტს, რომ აქ პრემიები (ერჯერადი – 400 ლარი) 21 სოფლის რწმუნებულს დაურიგეს. საბოლოო ჯამში, ჩოხატაურის მუნიციპალიტეტის გამგეობაში, წლის განმავლობაში 42 პირზე გაცემულმა პრემიამ 57 155 ლარი შეადგინა.
