და ამისთვის ნეიტრალურ ტერიტორიას _ პარლამენტის შენობას სთავაზობს. უსუფაშვილის თქმით, უმცირესობამ საკონსტიტუციო ცვლილებების განხილვისას მომხდარი ინციდენტები საბაბად გამოიყენა და თავი აარიდა განხილვაში მონაწილეობას.
“თუ “ნაციონალებს” ძალიან ხშირად ხალხში თავი არ გამოეყოფათ, ამასთან “ქართული ოცნება” ვერაფერს გახდება. მათ ამ საბაბით უარი თქვეს საკონსტიტუციო ცვლილებების განხილვაზე. ჩვენ მათ ვთავაზობთ ნეიტრალურ ტერიტორიაზე, უსაფრთხო დარბაზში, პირდაპირ ეთერში გამობრძანდეს თითოეული მათგანი და განუმარტოს ქართულ საზოგადოებას რატომ უნდა ჰქონდეს ერთ კონკრეტულ კაცს ასეთი ძალაუფლება,” _ განაცხადა უსუფაშვილმა ტელეკომპანია “იმედში.”
უსუფაშვილის თქმით, მიხეილ სააკაშვილს გეგმები ჩაეშალა, რადგან საკონსტიტუციო ცვლილებების ინიცირებით, ბიძინა ივანიშვილმა მთელ მსოფლიოს ამცნო, რა სახიფათო იარაღი უჭირავს ხელში სააკაშვილს.
“იმის მიუხედავად, მიიღებს თუ არა პარლამენტი საკონსტიტუციო ცვლილებებს, მისი ინიცირებით საქართველოს პრეზიდენტი ამ უფლებამოსილებით ვეღარ ისარგებლებს. მთავარია არა მხოლოდ ის კონსტიტუციაში ესა თუ ის ნორმა წერია თუ არა, არამედ ამ ნორმას სჭირდება აღსრულებისთვის სათანადო გარემო. მიხეილ სააკაშვილს გეგმები ჩაეშალა, როცა ამ კონკრეტული საკითხის ინიცირებით მთელს მსოფლიოს ვამცნეთ, რა სახიფათო იარაღი უჭირავს მას ხელში და ამავე დროს, რას ემსახურება მისი პიარ-კამპანია იმის თაობაზე, რომ ქვეყანა დაიქცა. ასეთ ვითარებაში ის ვეღარ შეძლებს ამ იარაღით სარგებლობას,” _ განაცხადა უსუფაშვილმა.
უსუფაშვილი 8 თებერვალს დაგეგმილ პრეზიდენტის საპარლამენტო გამოსვლასაც შეეხო და დასძინა, რომ ის, როგორც პარლამენტის თავმჯდომარე, ვალდებულია დაიცვას პრეზიდენტის უსაფრთხოება და უზრუნველყოს წესრიგი, დანარჩენი კი დამოკიდებულია მის გამოსვლაზე და მოვლენათა განვითარებაზე ამ დღეებში. უსუფაშვილის თქმით, ვერ დაპირდება პრეზიდენტს, რომ პარლამენტში ის სასიამოვნოს მოისმენს და ნახავს.
