უკრაინაში რუსეთის მოსალოდნელი შეჭრის გამო ქვეყანას პრო-რუსი ოლიგარქები და ბიზნესმენები ჩარტერული რეისებით ტოვებენ. ამის შესახებ ინფორმაციას უკრაინული ონლაინ მედია pravda.com.ua ავრცელებს.
როგორც გამცემა წერს, მხოლოდ 13 თებერვალს, კიევი 20-მდე ჩარტერმა და კერძო თვითმფრინავმა დატოვა. მედია წერს, რომ კერძო ლაინერებს შორის, რომლებიც კიევიდან ევროპაში მიფრინავენ, რენატ ახმეტოვისა და ბორის კოლესნიკოვის თვითმფრინავებიც იყო..
მოგვიანებით კოლესნიკოვმა UE-სთვის მიცემულ ინტერვიუში თქვა, რომ ის იყო კიევში და არსად არ აპირებს წასვლას. მისი თქმით, თვითმფრინავი პრაღაში გაფრინდა ტექნიკური სამუშაოებისთვის, თვითონ კი, 1 მარტამდეარსად წასვლას არ აპირებს.
როგორც pravda.com.ua წერს, კერძო საბჭოსთვის, 50 ადამიანისთვის განკუთვნილი თვითმფრინავი შეუკვეთა მილიონერმა იგორ აბრამოვიჩმა, რომელიც რადაში ფინანსების საკითხს კურირებს.
UE-ს ცნობით, OPZZ-ს ორი წყაროდან და ორი ადამიანისგან, რომლებსაც შესთავაზეს წასვლა, ამ საბჭომ უნდა წაიყვანოს თანაპარტიელების ნათესავები და აბრამოვიჩის ბიზნესპარტნიორები კიევიდან ვენაში.
ამასთან, UE-ს ცნობით, მიუხედავად იმისა, რომ ახმეტოვის ერთ-ერთი თვითმფრინავი კვირას აფრინდა უკრაინიდან, თავად ოლიგარქმა ქვეყანა 30 იანვარს დატოვა ციურიხის რეისით..
როგორც გამოცემა აღნიშნავს, ასევე იმავე დღეს უკრაინა დატოვა ბიზნესმენმა ვიქტორ პინჩუკმა. ბიზნესმენმა, ვადიმ ნოვინსკიმ კი, უკრაინა 10 თებერვალს კიევი-მიუნხენის რეისით დატოვა. იმავე დღეს უკრაინა დატოვა, ალექსანდრე იაროსლავსკმა.
ასევე UE წერს, რომ 13 თებერვალს ბიზნესმენებმა ანდრეი სტავნიცერმა და ვადიმ ნესტერენკომ დატოვეს უკრაინა, ხოლო 12 თებერვალს ვადიმ სტოლარი და ვასილ ხმელნიცკიმ დატოვეს.
სტავნიცერის პრესსამსახურმა განუცხადა UE-ს, რომ ის მივლინებით გაფრინდა და ერთ დღეში უკრაინაში დაბრუნდებოდა. ხმელნიცკის პრესსამსახურმა კი, UE-ს განუცხადა, რომ ის გუნდთან ერთად სასწავლებლად გაფრინდა და უკრაინაში 20 თებერვალს უნდა დაბრუნდეს. მათ დაამატეს, რომ ეს ტური სამი თვის განმავლობაში იყო დაგეგმილი და ხმელნიცკის შვილები უკრაინაში რჩებიან.
