“90 იამ წლებში პირველი მცდელობა მქონდა სასამართლოს რეფორმირების და კრახით დამთავრდა. კრახით დამთავრდა იმიტომ, რომ მოსამართლეებს ხელფასი არ მისცეს, პოლიცია და პროკურატურაც ტერორს უწყობდა…
ხალხი ლაპარაკობს, რომ ხშირად უშვებენ სასამართლოდან საეჭვოდო. საეჭვოდ იმიტომ უშვებენ, რომ საეჭვოდ ხშირად იჭერენ.
კაკო ჩხაიძემ მოიტანა 7 მილიონი დოლარი, (საზოგადოებრივი მაუწყებლის ჟურნალისტმა შეუსწორა 10 მილიონი ლარიო. ავტ), ჯოხთაბერიძემ გადაიხადა. სხვათაშორის, მიუხედავად იმისა, რომ ჯოხთაბერიძეს არასდროს არ ვუყვარდი, ჩემი მთავრობის დროს გახდა ძალიან დიდი ბიზნესმენი და რამდენიმე ასეთი ადამიანი იყო კიდევ, ენერგეტიკის მამები, ენერგო მაფიის მამებ… მაშინ ეს ყველაფერი ასოცირებული იყო ნგრევასთან…
დღეს, საუბარია ბევრად დიდი რაოდენობის ხალხზე და ფულის მითვისებაში ვერ ადანაშაულებენ. ადანაშაულებენ პარტიული ნიშნით დასაქმებაში, ესეც არ არის მთლად კანონიერი და შესასწავლია…
მე მინდა ვკითხო ხალხს და აღიარებთ თუ არა, რომ სასამართლო იყო არაკორიმპულებული და მოსამართლეები არ იღებენ ქრთამებს? ვინ გააკეთა ეს? სააკაშვილის მთავრობამ! შევარდნაძის დროს მოსამართლეები იყვნენ კორუმპირებულები და ძალიან მინდოდა მათი ყველას გაყრა, მაგრამ ყველა მათგანს მივეცით საშუალება, რომ დარჩენილიყვნენ სასამართლოში, არავისთვის არ გვითქვამს, რომ დაახვიეთ აქედანო….
დღეს კოტე კუბლაშვილმა თქვა, რასაც აკეთებენ, ეს მე-19 საუკუნეაო და ვეთანხმები. ეს არის გასაოცარი დემოკრატია? იქნებ ხეზე ავიდეთ და ყურებით დავეკიდოთ?
რას ჰქვია, პროკურორმა დაიბარა მოსამართლე? ეს არსად არ წერია. მერე ზის ვიღაც პროკურორი ტელევიზორში, ნამდვილი ბირჟავიკი და ამბობს, ხალხს როგორც უნდა, ისე უნდა გადავწყვიტოთო.
კოტე კუბლაშვილი ძალიან მაღალი კვალიფიკაციის სპეციალისტია და არასდროს გამიბედავს, რომ მასთან რომელიმე საქმეზე მელაპარაკა. ზის მთავარი პროკურორი და ტელევიზიით ჭორაობს, პრეზიდენტი უნდა დავკითხოთო, რომელ ქვეყანაში ხდება ასე, მითხრას და უკან მიმაქვს ჩემი სიტყვები.” _ განაცხადა მიხეილ სააკაშვილმა.
