საგარეჯოს ტრაგედიის დროს დაღუპულები გუშინ დაკრძალეს. ამასთან დაკავშირებით, შინაგან საქმეთა სამინისტროს სტრატეგიული კომუნიკაციების დეპარტამენტის, მედიასთან ურთიერთობის მთავარი სამმართველოს უფროსი, ანანო ბარაბაძე ემოციურ პოსტს აქვეყნებს.
„გმირი შვილი უკანასკნელ გზაზე ღირსეულად გააცილა. ვაჟკაცებს ცრემლით არ აცილებენო თქვა და მრავალჟამიერი უმღერა დაკრძალვის დროს შვილს….ასეთი დედები ზრდიან გმირებს სამშობლოსთვის “,– წერს ანანო ბარაბაძე საგარეჯოში დაღუპული პოლიციელის ოთარ ღვინაშვილის შესახებ.
შეგახსენებთ, რომ კაცი, რომელმაც 20 იანვრის ღამეს საკუთარი სახლის აივნიდან ადამიანები დახოცა, 48 წლის ნოდარ ათუაშვილია. ის 2006-2021 წლებში შეიარაღებულ ძალებში მსახურობდა. იყო ავღანეთის მისიის მონაწილეც. ათუაშვილმა, მას შემდეგ რაც გაიგო, რომ ძალოვანები სახლში შევიდა, თავი მოიკლა.
გავრცელდა ინფორმაცია, რომ ათუაშვილის ცხედრის დაკრძალვაზე უარი თქვა მიძმა ნახევარძმამ და დედამ, თუმცა, როგორც შემდეგ გაირკვა, ათუაშვილის დედა, მონაზონი ევა 2 წლის წინ გარდაიცვალა.
