“იუსტიციის უმაღლესი საბჭო მედია საშუალებებში გავრცელებული ურთიერთგამომრიცხავი ინფორმაციის დაზუსტების მიზნით დამატებით დაინტერესდა იმ საქმის დეტალებით, რომელიც ასევე შეეხებოდა მოსამართლე ბესარიონ ალავიძის იურიდიულ განათლებას და მის უფლებამოსილებასთან დაკავშირებულ საკითხებს. საქმის მასალების გამოთხოვისა და ანალიზის შედეგად გამოიკვეთა მეტად მნიშვნელოვანი გარემოებები. ალექსანდრე ალადაშვილმა თავის განცხადებას ბესარიონ ალავიძის დიპლომის ასლთან ერთად დაურთო ივანე ჯავახიშვილის სახელობის თბილისის სახელმწიფო უნივერსიტეტის სასწავლო დეპარტამენტის უფროსის მოადგილის წერილი. მნიშვნელოვანია, რომ აღნიშნულ წერილში გამოთქმული მოსაზრებები გაკეთებულია არა უშუალოდ ბესარიონ ალავიძის, არამედ სხვა პირის სახელზე გაცემულ დიპლომთან დაკავშირებით, რომელიც შინაარსობრივად განსხვავებულია და ეხება 2001-2005 სასწავლო წელს, მაშინ როდესაც, ბესარიონ ალავიძეს 1995 -1998 წლებში აქვს მიღებული განათლება.ზემოთქმულიდან გამომდინარე, არსებობს ვარაუდი, რომ ადგილი აქვს საქართველოს სისხლის სამართლის კოდექსით გათვალიწინებულ დანაშაულთა ნიშნებს, კერძოდ მტკიცებულების ფალსიფიკაციას, რაზედაც ვითხოვთ საქართველოს მთავარი პროკურატურის რეაგირებას.” _ ეს განცხადება უზენაეს სასამართლოში რამდენიმე წუთის წინ გაკეთდა.
“გურია ნიუსი” ადვოკატ ალექსანდრე ალადაშვილს დაუკავშირდა, რომელიც აცხადებს, რომ უზენაესი სასამართლო საზოგადოებისათვის თვალში ნაცრის შეყრას ცდილობს,რათა კოტე კუბლაშვილი სდა ისუტიციის უმაღლესი საბჭოს მიერ ჩადენილი დანაშაული გადაფაროს.
“რა მნიშვნელობა აქვს რომელ დიპლომთან დაკავშირებით გაიცა ეს ცნობა. აქ საუბარია იმაზე, რომ აღნიშნული კურსების დასრულების შემდეგ პირი ვერ ჩაითვლებოდა უმაღლეს დამთავრებულად. დავუშვათ, არ იყო ბესარიონ ალავიძე და იყო პეტრე ივანიძე, აქ არსი არის ის, რომ მეორადი სწავლების სამწლიანი კურსი უმაღლეს განათლებას არ იძლეოდა. პასუხი გაგვცენ იმაზე, არ დაუმთავრებია ალავიძეს სამწლიანი კურსი? ნუ თაღლითობს უზენაესი სასამართლო და ნუ ცდილობს თვითონ მოახდინოს მტკიცებულებათა ფალსიფიკაცია.” _ აცხადებს ალექსანდრე ალადაშვილი.
“გურია ნიუსმა” გუშინ თბილისის სახელმწიფო უნივერსიტეტს მიმართა და სადავო დილომებთან დაკავშირებით კომენტარი სთხოვა. უნივერსიტეტიდან მიღებული პასუხით ირკვევა, რომ ხელოვნების და ჰუმანიტარული ფაკულტეტი იურისტის დიპლომს არ გასცემდა
“ივანე ჯავახიშვილის სახელობის თბილისის სახელმწიფო უნივერსიტეტი ეხმაურება საზოგადოების დაინტერესებას თსუ „ხელოვნებისა და ჰუმანიტარულ პროფესიათა ფაკულტეტის“ კურსდამთავრებულთა დიპლომებთან/ კვალიფიკაციასთან დაკავშირებით და განმარტავს: „ხელოვნებისა და ჰუმანიტარულ პროფესიათა ფაკულტეტი“ თსუ-ში 1965-2007 წლებში ფუნქციონირებდა. ეს ფაკულტეტი სტუდენტებსა და სხვა დაინტერესებულ პირებს საშუალებას აძლევდა უნივერსიტეტის შესაბამის ფაკულტეტზე მიღებულ სპეციალობასთან ერთად დაუფლებოდა ჰუმანიტარულ საერთო განათლებას. დიპლომი, რომელიც ფაკულტეტის კურსდამთავრებულზე გაიცემოდა კვალიფიკაციის ან ხარისხის მინიჭებას არ ითვალისწინებდა.”_ ნათქვამია განცხადებაში.
