ჩემი კოლეგის, დავით სერგეენკოს გუშინდელ განცხადებაზე _ ელოდება, გაუშვებენ პარლამენტიდან თუ არა. მასზე არაფერია დამოკიდებული. მინიშნებებით, მაგრამ მაინც გულწრფელად ილაპარაკა. მოიქცა წესიერად და თავიდან აიცილა სამუდამო დამღა, რომელიც მთელი ცხოვრება უნდა ატაროს იმ 78 “რჩეულმა”.
ამავე დროს, ბატონი სერგეენკო იყო ივანიშვილის მხრიდან ნდობით აღჭურვილი პირი, წლების განმავლობაში ჯანდაცვის მინისტრი. როგორც ყველა სამინისტროში, იქაც იყო კორუფცია და ხდებოდა პოლიტიკურად მოტივირებული გადაწყვეტილებების მიღება. თავად სერგეენკოზე ამბობენ, რომ პატიოსანი კაცი იყოო.
სერგეენკო იმ სამოცდათვრამეტს რომ გაემიჯნა, რაც თავისთავად წვრილმანია, ივანიშვილის რეჟიმის პირობებში მინიგმირობის ტოლფასია. მაინც დასაფასებელი ფაქტია. წარმატებას ვუსურვებ თავის ნამდვილ საქმიანობაში. აქიმობას ვუბრუნდებიო. _ წერს სოციალურ ქსელში პოლიტიკოსი რომან გოცირიძე.
შეგახსენებთ, რომ დავით სერგეენკპმ გუშინ ტვ პირველთან ისაუბრა იმ მიზეზების შესახებ, რატომაც არ მისცა ხმა პირველ მოსმენაზე უცხოური აგენტების შესახებ კანონს.
“ვხედავდი რომ ევროკავშირი, ამერიკა, საზოგადოების დიდი ნაწილი ნეგატიურად იყო განწყობილი. დეტალებში არ შევსულვარ. არ გამიანალიზებია კანონი, მაგრამ ვხედავდი, დამოკიდებულებას და ალბათ ეს იყო გადაწყვეტილების საფუძველი”- განაცხადა“შაბათის ეთერთან” სერგეენკომ.
