“გურია ნიუსის” ინფორმაციის საფუძველზე სახალხო დამცველის აპარატი ქსნის ციხეში შევა

მონიტორინგის ჩატარების შემდეგ სახალხო დამცველის აპარატი კომენტარს გააკეთებს იმ ინფორმაციასთან დაკავშირებით, რომელიც წუხელ, გვიან ღამით “გურია ნიუსს” თავად პატიმრებმა მიაწოდეს.

გუშინ, ღამის 3 საათზე ქსნის №15 დაწესებულების პატიმრები “გურია ნიუსს” დაუკავშირდნენ და განაცხადეს, რომ სამეურნეო ნაწილის პატიმრებმა ბლაგვი საგნით თვით დაზიანება მიიყენეს. პატიმრები ციხეში ჟურნალისტების შესვლას ითხოვდნენ.

ასევე, როგორც პატიმრებმა განაცხადეს,  თვითდაზიანების მიყენების შემდეგ, ქსნის №15 ციხეში შევიდა 2 ადამიანი, რომლებმაც თავი მონიტორინგის ჯგუფის წევრებად გააცნეს. მათ სასჯელეღსრულების დეპარტამენტის ხელმძღვანელი პირების მაია ხასიას და ლალი მოროშკინას ციხეში მოსვლა თხოვეს, რაზეც  უხამსი პასუხი მიიღეს.

პატიმრების განცხადებით, ისინი ქსნის №15 ციხეში ყოფილი დირექტორის, ნუკრი ხუხუას გათავისუფლებას აპროტესტებენ.