ასევე განაცხადა, რომ უზენაესი სასამართლოს თავმჯდომარეს მისცა პირობა, თუ მისი გუნდიდან ვინმე გაბედავს და სასამართლო პროცესში ჩაერევა, ამაზე რეაგირებას აუცილებლად მოახდენს.
“გასაგებია, რომ არსებობს კითხვები. არ მინდა ისე გამოვიდეს… ჩვენ ვისაუბრეთ პოზიტივზე. ვიცით და ბატონი კოტეც მეთანხმება იმაში, რომ საზოგადოებას აქვს გარკვეული სკეპტიციზმი და გარკვეული კითხვები სასამართლოსადმი, გარკვეული კითხვები წარსულისადმი, მაგრამ ძალიან ბევრიც გაკეთდა. მას გარკვეული წვლილი აქვს იმ პოზიტივში. რაც გაკეთდა სასამართლოში. ის ეთანხმება ნაწილობრივ. სადღაც ჩვენ ვერ შევთანხმდით და არ ვთანხმდებით, მაგრამ რაც მთავარია, პრინციპებზე შევთანხმდით.
ვერ შევთანხმდით მხოლოდ იმაზე, რომ დღევანდელი სასამართლოსადმი ბევრი კითხვა არსებობს. შეიძლება მე მგონია, უფრო მეტია კითხვები, ვიდრე ბატონ კოტეს და ა.შ. მაგრამ ძირითად პრინციპებზე, იმაზე, რომ სასამართლო უნდა გახდეს მაქსიმალურად დამოუკიდებელი და ჩემის მხრივ, მას მივეცი გარანტია და დღესაც შემიძლია გავიმეორო: არ არსებობს ჩემი მხრიდან, როგორც მთავრობის მეთაურის ან კოალიციის ლიდერის ან ჩემი გუნდის წევრების მხრიდან მცდელობები… ვინმემ გაბედოს და ჰქონდეს მცდელობა იმაშიც კი სასამართლო პროცესებში ან სასამართლოზე რამე ზეგავლენა მოახდინოს. თუ მე გავიგე, აუცილებლად ჩავერევი. ამაში დავარწმუნე.”
