ყვარელში, სასტუმრო “ყვარელი ლეიქ რიზორტთან”, გვიან ღამით გაკეთებული წარწერები _ “რუსკი კარაბლ იდი ნა@უი”, წაშალეს. ინფორმაციას და ფოტოებს facebook-ზე სამოქალაქო აქტივისტი სალომე ბარკერი ავრცელებს.
,,სულ მაინტერესებს ხოლმე, რა ძალა ადგას ამის გამკეთებელს. ესეც ხო კვერცხი არ არის ვთქვათ, უცბად ჩამობანა რომ იყოს საჭირო. ან ესეც ხო ასიათასიანი პიკეტი არ არის, უცბად ჭავლით დაშლა რომ “გახდეს საჭირო”.
ანუ აი ერთი წარწერაა ასფალტზე, გზაზე, რამდენიმე დღეში თავისით წაიშლება, თუ ბევრი მანქანა იმოძრავებს ერთ დღეშიც კი გადაიცრიცება. რა ჯანდაბამ უნდა გაიძულოს რომ აქ მიხვიდე, ამ ქვეყანაში დაბადებულ-გაზრდილ-დაღვინებულ-გავირებული ადამიანი და ასფალტი მოხეხო? კაი, ამ დავალების გამცემს არ რცხვენია, ამხელა კაცს არ რცხვენია ამას რომ აკეთებს? ეგეთი საშიში წარწერაა “რუსკი კარაბლ იდი ნახუი” რომ სასწრაფოდ უნდა გადავღებოთ? ამის გამო მოძრაობა გაჩერდა ანუ ამ გზაზე? ეს კაცი მიარბენინეს ამ შაბათ დილას, რომ ამ დიდებული საქმით დაკავებულიყო? რა ხდება მის თავში ამ დროს, ფიქრობს რომ რამე საამაყოს აკეთებს? სამშობლოს ემსახურება? თუ რცხვენია მაინც? კიდევ მილიონი კითხვა მაქვს, რომლების დასმასაც ალბათ არანაირი აზრი არ აქვს.
ასეთი რა რეალობა მოიხოდა ამ ქვეყანაში, რომ ადამიანებს დამკვეთიან-შემსრულებლიანად ამაში ვაცხოვრებთ, მართლა არ ვიცი.“- წერს აქტივისტი
ცნობისთვის, გავრცელებული ინფორმაციით, ყვარლის სასტუმროში სერგეი ლავროვის ოჯახის წევრები და ახლობლები დღეს ქორწილს იხდიან.
როგორც მედიაში გავრცელდა ინფორმაცია, კახეთში იმყოფება რუსეთის საგარეო საქმეთა მინისტრის დასავლეთის მიერ სანქცირებული შვილი, ეკატერინა ლავროვა და მისი ქმარი ალექსანდრ ვინოკუროვი.
რომლის გამო, სასტუმროსკენ მიმავალ გზაზე საპროტესტო წარწერები გააკეთეს. სასტუმროსთან მობილიზირებულია პოლიცია, სადაც საპროტესტო აქციის მონაწილეესა და პოლიციას შორის დაპირისპირება იყო, დაკავებულია 10 მდე ადამიანი
ავტორი
