ოქრუაშვილი მზადაა, სიცრუის დეტექტორის მეშვეობით დაიკითხოს

და მის შესახებ არსებული ჭორების გასაფანტად მზად არის პროკურატურამ ის პოლიგრაფის (სიცრუის დეტექტორი) მეშვეობით დაკითხოს.

“ჩემი მონაწილეობა ბუტა რობაქიძის საქმეში არის ნული, მიუხედავად იმისა რომ შეიძლება ვინმეს ვუთანაგრძნობდე ამ საქმეში. მთავარმა პროკურორმა გააკეთა განცხადება, რომ მე არ ვიყავი ინფორმირებული, მაგრამ მას ეჭვი აქვს, რომ მომხდარის შესახებ მე, როგორც შინაგან საქმეთა მინისტრი, ინფორმირებული ვიყავი. ინფორმირებულობა დანაშაული არა რის, მე ვიყავი ინფორმირებული, მაგრამ არა იმასთან დაკავშირებით, მიიტანეს თუ არა იქ იარაღი,” _ განაცხადა ოქრუაშვილმა. მისივე თქმით, ამ პერიოდში ის შინაგანი ჯარის ფორმირებით იყო დაკავებული და შინაგან საქმეთა სამინისტროს ნაკლებ ყურადღებას აქცევდა.

“2004 წლის ცხინვალის წარუმატებელი კამპანიის შემდეგ, ერთგვარი რევანშის გრძნობაც მამოძრავებდა და ბოლომდე ვიყავი ჩართული შინაგანი ჯარის ფორმირებაში, ამავე დროს, ვცდილობდი გულუას სახელობის სპეცრაზმი გადმომეყვანა შინაგან საქმეთა სამინისტროში. ბევრი ადამიანი ცდილობს ჩემს ამ პროცესში გამოყენებას, არავის მივცემ ამის საშუალებას,” _ აცხადებს ოქრუაშვილი თოქ შოუ “ღია ეთერში”