ორგანიზაციის ხელმძღვანელის ლაშა ადამიას განცხადებით საზოგადოების ინტერესიდან გამომდინარე საკითხი უნდა გასაჯაროვდეს.
“მეჩეთი უნდა აშენდეს, მაგრამ ეს ისეთ ადგილას უნდა იყოს, რომ არავისთვის შეურაცხმყოფელი არ იყოს. ჩემი აზრით, ბულვარში მეჩეთის აშენება მუსლიმანი მრევლისათვისაც შეურაცხმყოფელი იქნება, რადგან ტურისტები საცურაო კოსტიუმებში მეჩეთის ეზოში სეირნობდნენ, არ არის ლამაზი. არ შეიძლება ვიღაცის ხუშტურით და მოსაზრებით აშენდეს მეჩეთი. საზოგადოება და მთავრობა ერთად უნდა შეთანხმდნენ, სად აშენდება მეჩეთი”, – ამბობს ადამია.
არასამთავრობო ორგანიზაციის წევრების თქმით, ხელისუფლებამ უნდა დაასახელოს თუ სად, როდის და ვისი დაფინანსებით აშენდება ახალი მეჩეთი.
“ახალგაზრდული ინიციატივა მომავალი საქართველოსთვის” ხელმძღვანელმა დღესვე მთავრობის კანცელარიაში არჩილ ხაბაძის სახელზე მიმართვა დატოვა. მიმართვაში ნათქვამი იყო, რომ ორგანიზაციის წევრებს მეჩეთის აშენების შესახებ დეტალური ინფორმაცია აინტერესებთ და ასევე სურვილი აქვთ, რელიგიური ნაგებობისათვის ადგილის გამოყოფის შესახებ საჯარო განხილვებში მიიღონ მონაწილეობა.
