ლანჩხუთს ახალი რწმუნებული ჰყავს

წარდგენას თითქმის ყველა თანამშრომელი ესწრებოდა. ნანიძე ზაზა ურუშაძემ წარადგინა:

“მინდა წარმოგიდგინოთ ახალი რწმუნებული _ ბატონი ლადო. იგი უაღრესად პატიოსანი და ღირსეული პიროვნებაა. ახლა კი, ვინაიდან უამრავი პრობლემებია ხვნა-თესვასთან დაკავშირებით, მინდა ის თქვენთან ერთად გაეცნოს არსებულ პრობლემებს და კარგად გაერკვეს სიტუაციაში. მინდა მივულოცო მას თანამდებობაზე დანიშვნა და ვისურვებ, რაც შეიძლება სწრაფად მოხდეს არსებული პრობლემების მოგვარება, რაშიც ჩვენ მხარში დავუდგებით. რაც გასაკეთებელია, ის უნდა გავაკეთოთ და რაც შეიძლება, ქალაქი მალე უნდა დავაყენოთ ფეხზე. თქვენც გთხოვთ, რომ მას გვერდში დაუდგეთ. ვიცი, რომ ხელფასები დაბალია, მე შემოდგომისთვის ვფიქრობ ხელფასების გაზრდას _ 200 ლარი ხელფასი არაა. ვინც შეძლებს მუშაობას და გვერდში დაუდგება ბატონ ლადოს, ის დარჩება, ვინც ვერა, დატოვებს სამსახურს. დანარჩენს ბატონი ლადო აგიხსნით, იგი გამოცდილი და ღირსეული კადრია და თვითონაც იცის, რა პრინციპით ვარჩევთ.“

ახალ მერს თანამდებობა ზვიად აფხაზავამ მიულოცა: “ლადო კარგი ადამიანია და თანამშრომლებიც არ არიან ცუდები. აქ არ არის ისეთი სიტუაცია, რომ მუშაობა გაგიჭირდეს, იმედი მაქვს, რომ ერთობლივი მუშაობით კარგად გაართმევთ ყველა პრობლემას თავს.”

ვახტანგ ზენაიშვილმა ყოფილ მერს მადლობა გადაუხადა: “დიდი მადლობა ბატონ ზვიადს, გარკვეული პოლიტიკური მხარდაჭერისთვის ამ გადაწყვეტილების მიღების დროს და ასევე ბატონ გივის, ქალაქის ყოფილ რწმუნებულს, აქ არ იყო საუბარი იმაზე, რომ ვიღაცა ცუდად მუშაობდა ან კარგად, იყო გარკვეულ პოლიტიკურ კორექტურაზე ლაპარაკი და ჩვენ მივესალმებით ასეთ შეგნებულ ნაბიჯებს.”