“გაღარიბების” მიზეზი ბერეზოვსკის ფუფუნებისადმი სიყვარული და სასამართლო ხარჯები იყო.
მთელი 40 მილიონი დოლარი ბერეზოვსკიმ დახარჯა ტყვიაგაუმტარ შუშებში, რომელიც მის სასახლეს გაუკეთა სურეის საგრაფოში, თუმცა, რამდენიმე ხნის შემდეგ მან ეს სასახლე გაყიდა, რათა ხარჯები აენაზღაურებინა,
ბორის ბერეზოვსკი იძულებული გახდა მეორე სასახლე ყოფილი ცოლისთვის გალინა ბეშაროვასთვის გადაეცა _ ამ უკანასკნელმა განქორწინების შემდეგ უპრეცედენტო თანხა _ 240 მილიონი ევრო მოითხოვა, რაც სასამართლომ მიაკუთვნა კიდეც.
საკმაოდ დიდი თანხა მიიღო მილიარდერისგან მისმა მეგობარმა და ორი შვილის დედამ _ ამ თანხის რაოდენობამ 23ი მილიონი დოლარი შეადგინა.
ბერეზოვსკი მილიონებს ხარჯავდა პოლიტიკურ საქმიანობაშიც _ კერძოდ, პრეზიდენტ პუტინის საწინააღმდეგო პოლიტიკურ აქციებში. იგი იყო, აგრეთვე, ფსბ-ს რუსი აგენტის ალექსანდრე ლიტვინენკოს მკვლელობის გამოძიების სპონსორი.
ბოლო წვეთი აღმოჩნდა ბერეზოსკის სასამართლო დავა რუს მილიარდერ რომან აბრამოვიჩთან _ იგი აბრამოვიჩს კომპენსაციას _ 5,6 მილიარდ დოლარს სთხოვდა “სიბნეფტთან” დადებული ხელშეკრულების გამო. ორივე მილიარდერმა ადვოკატებს გასამრჯელოდ საათში 800-1500 ევროს უხდიდნენ. საბოლოოდ, ბერეზოვსკიმ სასამართლო წააგო ორივე მხარის ხარჯები, რაც, დაახლოებით, 150 მილიონ დოლარს შეადგენდა, მას უნდა გადაეხადა.
