სხდომა განცხადებით საკრებულოს სამანდატო-საპროცედურო საკითხთა კომისიის თავმჯდომარემ, ილია გვარჯალაძემ: “დღეს სხდომაზე დამტკიცდა ახალი სტრუქტურული ერთეულები, რაც სტრუქტურული რეორგანიზაციის ფარგლებში ხდება. ამ საკითხთან დაკავშირებით არის ძალიან ბუნდოვანი მოლოდინები და ამიტომ მინდა ყველას გასაგონად ვთქვა და ყველა გავაფრთხილო, პირველ რიგში, რა თქმა უნდა, გამგებლის მოვალეობის შემსრულებელი, რომ დაცული იქნას კანონის შესაბამისი მუხლი, თორემ სასამართლოს გამამართლებელი განაჩენის შემთხვევაში ავტომატურად დადგება მისი პასუხისმგებლობის საკითხი.”
გვარჯალაძის ამ განცხადებას დიდი ხმაური მოყვა _ ჯერ მას საკრებულოს წევრი, მაკა კვირკველია გამოეხმაურა: “მე ბოდიშს მოვუხდი ზაზა ურუშაძეს, მაგრამ უნდა ვუპასუხო. ეს იყო შანტაჟი და მუქარა გამგებლის მისამართით. გამგებელი მოქმედებს საქართველოს კანონმდებლობის ყველა დაცვით. ვერავინ დააბრალებს მას, რომ ის არ არის კანონმორჩილი ადამიანი.”
შემდეგ საკრებულოს თავმჯდომარეს ამირან გიგინეიშვილს სიტყვა სთხოვა გამგებლის პრესსამსახურის ყოფილმა უფროსმა ნინო მშვიდობაძემ, სკანდალში გაეხვა იმ მიმოწერის გამო, რომელიც მასსა და ია ანთაძეა შორის შედგა: “დამითხოვეს სამსახურიდან 2012 წლის 22 ივნისს და ბრძანებაში ჩაიწერა დისციპლინური გადაცდომა. ნაციონალური მოძრაობისთვის დისციპლინური გადაცდომა სიმართლის თქმა იყო და ჩემი სკაიპის გატეხვა. ჩემი პირადი მიმოწერა ჟურნალისტს მიაწოდეს და გამომიქვეყნეს გაზეთში. სისხლის სამართლის საქმეა აღძრული, ბატონო ამირან, და დღემდე ძიებაში ეს საქმე. ძალიან მინდოდა ბატონი ილია ყოფილიყო და მისთვის მეკითხა _ როდესაც ჩემს სკაიპს ტეხდნენ, როდესაც ჩემ პირად მიმოწერას ნახულობდნენ და გაზეთში აქვეყნებდნენ, რატომ არ ამოიღო ხმა ნაციონალური მოძრაობის რომელიმე წევრმა? რატომ არ ჰკითხა გია გოგუაძეს, რომელიმე მათგანმა, რომ ეს უდანაშაულობის პრეზუმპციის დარღვევა და სისხლის სამართლის დანაშაულია? რატომ არავინ არ თქვა, რომ ნინო მშვიდობაძე უკანონოდ გაათავისუფლეს თანამდებობიდანო? თქვენ გინდათ, ბატონებო, სისხლის სამართლის საქმე კიდევ ერთხელ აღიძრას? მე არ მინდა მქონდეს მომჩივნის სახელი, იმიტომ, რომ ერთხელ უკვე შევიტანე განცხადება და მეორედ უკვე ნამდვილად შევიტან კონკრეტული პიროვნებების მიმართ, რომლებიც სამართლის და სიმართლის დონეზე დატოვებენ თანამდებობას. თუ გაინტერესებთ ვინ არიან ეს კონკრეტული პიროვნებები, არც მაგის თქმა არ მერიდება _ შოთა ჩაგუნავას პროექტია და ამბობს, რომ დისციპლინური გადაცდომა მაქვს, ეთერ ჭყონიას მოხსენებითი ბარათია და ამბობს, რომ დისციპლინური გადახვევა მაქვს, გია გოგუაძის მოხსენებითი ბარათია და ისიც ამბობს, რომ დისციპლინური გადახვევა მაქვს. მე დავამტკიცებ იმას, რომ სიმართლის თქმა არ არის დისციპლინური გადახვევა.”
_ დიდი მადლობა, მაგრამ ეს პოლიტიკური განცხადებაა და საკრებულო არ არის ვალდებული საკითხი განიხილოს, _ თქვა ამირან გიგინეიშვილმა.
მიუხედავად იმისა, რომ დეპუტატებისა და ნინო მშვიდობაძის განცხადებები ილო გვარჯალაძის განცხადებას მოჰყვა, მას სხდომა ჯერ კიდევ მაკა კვირკველიას სიტყვით გამოსვლის დროს სხდომათა დარბაზი დატოვა და სხდომა ისე დასრულდა, არ გამოჩენილა.
