„ერთიანი ნაციონალური მოძრაობის“ ოზურგეთის რაიონული ორგანიზაციის თავმჯდომარის, დავით მჟავანაძის თქმით, ეს დაკავებები რაც ახლა მიმდინარეობს ქვეყანაში ყველაფერი კეთდება ხალხის დასაშინებლად.
„რეალურად ეს რაც ხდება განსაკუთრებით ბოლო დღეებში ემსახურება ხალხის ტერორს და დაშინებას. სახლებში უვარდებიან ადამიანებს, მიდის ამ ყველაფრის ვიდეო გადაღება და შემდეგ ტელევიზიით გადაცემა ამ ყველაფრის. ამით ხდება ადამიანების დაშინება. ეს ადამიანები რომლებიც დააკავებულები არიან, ისინი არ არიან აგრესიულები და ისინი არიან ამ ქვეყნის პატრიოტები. პირდაპირ ვიტყვი ეს ადამიანები არიან პირადად ბიძინა ივანიშვილის ტყვეები. ეს არის „ქართული ოცნების“ მიერ მოწყობილი ტერორი რაც ახლა მიმდინარეობს ჩვენს ქვეყანაში.“ – გვითხრა დავით მჟავანაძემ.
ამ დრომდე შინაგან საქმეთა სამინისტროს დაკავებულების შესახებ ინფორმაცია არ გაუვრცელებიათ.
კახა ასკურავა პოსტავს: დღეს უთენია,გურიას მოადგა რეჟიმი.სახლებში შეუცვიდნენ და როგორც საშიში კრიმინალები ისე გამოიყვნეს ოჯახების და მცირე წლოვანი ბავშვების დაწიოკებით! დაკავებული არიან სიმონ მახარაძე და კახა კვაჭანტირაძე კახა კვაჭანტირაძე არის ენმ-ს წევრი და არის უწესიერესი კაცი.ეს მთელმა ოზურგეთმა იცის. იგი 2012 წლამდე იყო ასევე ოზურგეთის გამგეობის თანამშრომელი და იქაც კეთილსინდისიერად ართმევდა თავს თავის საქმიანობას ჩემი სრული მხარდაჭერა და სოლიდარობა ორთავეს! ბოლოს მაინც ჩვენ მოვიგებთ.
განახლება:კახა კვაჭანტირაძეს აქვს სერიოზული ჯანმრთელობის პრობლემები, იმყოფება მუდმივი მედიკამენტოზური მკურნალობის ქვეშ.
