რომლის დღის წესრიგის 11 საკითხი, 27 დეპუტატს საკრებულოს თავმჯდომარემ ალეკო მამეშვილმა გააცნო.
“ოზურგეთის მუნიციპალიტეტის 2013 წლის ბიუჯეტის დამტკიცების შესახებ,” ოზურგეთის მუნიციპალიტეტის საკრებულოს 2012 წლის 27 დეკემბრის # 40 დადგენილებაში ცვლილებების შეტანის შესახებ,” ოზურგეთის მუნიციპალიტეტის საკრებულოს დადგენილების დამტკიცების თაობაზე, საფინანსო საბიუჯეტო სამსახურის უფროსმა ალექსანდრე ბერიძემ ისაუბრა.
_ მთავრობის განკარგულების “საქართველოს რეგიონებში გასახორციელებელი პროექტების ფონდიდან ადგილობრივი თვითმმართველი ერთეულებისთვის თანხის გამოყოფის შესახებ”, შესაბამისად, თანხა 226 500 ლარი გამოყენებული იქნება სოფლების დვაბზუს, ოზურგეთის, მერია-ლაითურის და ლიხაური-აჭის ადგილობრივი მნიშვნელობის გზების რეაბილიტაციისთვის. სულ ოზურგეთის ბიუჯეტი 420 920 ლარით უნდა გაიზარდოს, _ თქვა ბერიძემ და საბოლოოდ ამ დადგენილების დამტკიცებას კენჭიც უპრობლემოდ უყარეს.
დღის წესრიგით გათვალისწინებული მეორე, მესამე და მეოთხე საკითხები ოზურგეთის მუნიციპალიტეტის 2013 წლის შესყიდვების გეგმაში ცვლილებების შეტანის შესახებ, ფიზიკური და კერძო სამართლის იურიდიული პირების მფლობელობაში არსებულ მიწის ნაკვეთებზე საკუთრების უფლების აღიარების კომისიის დამტკიცების შესახებ”, განკარგულებაში ცვლილების შეტანის შესახებ და ამავე კომისიის თავმჯდომარისა და მოადგილის არჩევის შემდეგ, განკარგულებებიც ერთხმად დაამტკიცეს. რაც შეეხება დღის წესრიგით გათვალისწინებულ მეხუთე საკითხს, “ოზურგეთის მუნიციპალიტეტის საკრებულოს საფინანსო-საბიუჯეტო კომისიის პერსონალური შემადგენლობის დამტკიცების შესახებ”, რომელიც საკრებულოს წევრმა მერაბ მჟავიამ წარმოადგინა, ათკაციან შემადგენლობას დაემატა საკრებულოს შემადგენლობაში ახლახან დაბრუნებული ოზურგეთელ ნაციონალთა თავკაცი მიხეილ გოგოტიშვილი. მან თავად ითხოვა კომისიის შემადგენლობაში შესვლა, რაზეც თავშეუკავებლად დაეთანხმნენ. ამ კომისიის შემადგენლობაში არიან ოპოზიციონერი დეპუტატები ლელა ნაცვალაძე და დიმიტრი კვერღელიძე. საბოლოოდ, პერსონალურ შემადგენლობას კენჭი უყარეს და დაამტკიცეს.
დავა გამოიწვია დღის წესრიგის მეშვიდე საკითხმა “ოზურგეთის მუნიციპალიტეტის საპრივატიზებო ობიექტების ნუსხის დამტკიცების შესახებ”, რომლის მიხედვითაც 900 მეტრი სიგრძის გაზის მილის პრივატიზაცია უნდა მოხდეს. ეს მილი სოფელ გურიანთაშია და ვიდრე მოიპარავდნენ, უნდა მოხდეს მისი პრივატიზაცია, თუმცა დეპუტატმა თემურ ჯახვამ განაცხადა, რომ ამ ყველაფერზე უარი უნდა თქვან.
_ ახლა რომ ჯართში ჩავაბაროთ, მერე საგზაო მშენებლობებისთვის ასეთი მასალა ათჯერ უფრო ძვირად უნდა ვიყიდოთ. ამიტომ თავის შეკავება სჯობია, _ თქვა მან. თუმცა საკრებულოს თავმჯდომარის მოადგილემ ავთანდილ მექვაბიშვილმა განმარტა, რომ საპრივატიზაციო ნუსხაში შეტანა გაყიდვას არ ნიშნავს და შესაძლებელია, ეს მილები არ გაიყიდოს, რათა სხვა პერსპექტიულ საქმეს მოხმარდეს. გამგებელმა კოტე შარაშენიძემ განაცხადა, რომ ამ მილების მოპარვა ხდება და მისი გადამისამართება აუცილებლად უნდა მოხდეს საგზაო სამუშაოებისთვის.
11 აპრილის საკრებულოს სხდომის 11-საკითხიანი დღის წესრიგის ბოლო საკითხმა, “ოზურგეთის მინიციპალიტეტის არასამეწარმეო იურიდიული პირის _ სკოლამდელი სააღმზრდელო-საგანმანათლებლო ცენტრის სტრატეგიული განვითარების გეგმის დამტკიცების თაობაზე”, მოულოდნელი ხმაური გამოიწვია. მომხსენებელს, აღნიშნული სამსახურის იურისტს ლელა ნაცვალაძემ შეახსენა, რომ ამ სტრატეგიული გეგმის წარმოდგენა სირცხვილია ოზურგეთის საბავშვო ბაღებში მომხდარი ფაქტის შემდეგ და ეს საკითხი თავმჯდომარესთან ერთად, აქ ყველას უნდა აინტერესებდესო. ალეკო მამეშვილმა განაცხადა, რომ წინა დღით იყო სპეციალური შეხვედრა ბაღების საკითხთან დაკავშირებით და ამ ფაქტის შესახებ ისაუბრეს.
ნაცვალაძემ იკითხა, სჭირდება თუ არა ეს ააიპ სამსახური ოზურგეთს. მამეშვილმა კი საკითხის კენჭისყრა მოითხოვა, რამაც ნაცვალაძე გააბრაზა, აი, ასე მიკეთებ იგნორირებას, მაგრამ რა დარღვევაც მოხდა საბავშვო ბაღში უვარგისი ხორცის შეტანით, მთელმა საქართველომ ნახა და მოხდება მაგაზე რეაგირებაო. საბოლოოდ, საკითხს კენჭი მაინც უყარეს. ხმაური გამოიწვია ასევე სასოფლო-სამეურნეო ბარათების რიგგარეშე განხილვის საკითხმა, რის მიხედვითაც, პრიორიტეტად ხვნა-თესვა სულაც არ მიიჩნევა და სახნავი სავარგულების მქონე გლეხებს ნახევრად თუ ჰყოფნის 100-ლარიანი დახმარება. დეპუტატმა ლევან ნინიძემ განაცხადა, რომ ეს გამოიწვევს ქაოსს და ასე რომ არ მოხდეს, საქმეს სერიოზული გაძღოლა სჭირდება. მერაბ მჟავიას განცხადებით, თუ სოფლების რწმუნებულები თავგამოდებული ყურადღებით არ მოეკიდებიან საქმეს, შესაძლოა, საბოლოოდ, ყველაფერი მათ დაბრალდეთ.
