საჭირო მასალა: ფქვილი _ 500 გრ. საფუარი _ 25 გრ. შაქარი _ 1 სუფრის კოვზი, კარაქი _ 25 გრ. კვერცხი (გული) _ 2 ცალი; მარილი _ 1 ჩაის კოვზი; რძე _ 250 მლ. ჩასართავისთვის: სოკო (უმჯობესია ახალი) _ 500 გრ; კარაქი; არაჟანი _ 2 სუფრის კოვზი; ხახვი _ 1 ცალი; მარილი _ გემოვნებით.
მომზადება: გავადნოთ კარაქი, მოვშუშოთ წვრილად დაჭრილი ხახვი, დავაყაროთ დაჭრილი სოკო და მოვშუშოთ მზადყოფნამდე. ბოლოს დავამატოთ არაჟანი, მოვურიოთ და გადმოვდგათ ცეცხლიდან. გემოვნებით შევაზავოთ მარილით და დაფქული შავი წიწაკით.
ცომისთვის ჯერ საფუარი მოვამზადოთ _ ჯამზე 1/3 ჭიქა თბილ რძეში გავხსნათ რამდენიმე კოვზი ფქვილი, საფუარი და შაქარი. ჯამი ჩავდგათ თბილი წყლით სავსე ჭურჭელში, დავაფაროთ ტილო და მანამდე გავაჩეროთ, სანამ საფუარი არ “ამუშავდება” _ გაჩნდება ფუმფულა ქაფი. დარჩენილი ფქვილის შუაში ჩავასხათ კვერცხის გულები, დარჩენილი რძის წვრილი ნაკადი, მარილი და გაფუებული საფუარი. კარგად ავურიოთ, დავუმატოთ შემთბარი კარაქი და მოვზილოთ ნაზი ცომი. დავაფაროთ ტილო და თბილ ადგილას დავდოთ ამოსასვლელად. როცა ამოვა, 2-3-ჯერ ჩავზილოთ. დავყოთ კაკლის ტოლ ნაწილებად. გავუწიოთ მრგვალ ფენად და ცოტა ხნით ისევ დავაცადოთ, რომ ამოვიდეს.
თითოეულზე დავდოთ 1-1.5 კოვზი გულსართი. მოვუკრათ თავი, დავალაგოთ ფქვილმოყრილ საწვავზე (“ჟარონაზე”), კიდევ ერთხელ დავაცადოთ ამოსვლა, გადავუსვათ კვერცხის გული და გამოვაცხოთ.
