ხანძრის შედეგად მთლიანად განადგურდა ორი სართული.
როგორც “გურია ნიუსს” ოზურგეთის ხანძარსაწინააღმდეგო სამსახურში უთხრეს, ხანძრის შესახებ შეტყობინება 23:26 წუთზე პოლიციიდან მიიღეს.
შემთხვევის ადგილზე 4 ბრიგადა მუშაობდა, თუმცა, ხანძრის სიძლიერიდან გამომდინარე, მათ დამხმარე ბრიგადები ლანჩხუთის, ჩოხატაურის და ქობულეთის მუნიციპალიტეტებიდანაც გამოიძახეს.
_ ცეცხლი სახურავში გაჩნდა. მიუხედავად იმისა, რომ ჩვენმა მეხანძრეებმა ხანძრის ლიკვიდაციისთვის ყველაფერი იღონეს, სამწუხაროდ ვერაფრის გადარჩენა ვერ მოხერხდა, _ გვითხრეს სახანძრო სამსახურში.
ხანძრის გამომწვევი მიზეზები, ჯერჯერობით, უცნობია.
აღსანიშნავია, რომ ამ შენობას ხანძარი 2010 წლის 31 დეკემბერსაც გაუჩნდა, თუმცა, მეხანძრეებმა მაშინ დროულად მოახერხეს ხანძრის ლიკვიდაცია და მხოლოდ ერთი ოთახი დაზიანდა. გამოძიება აღნიშნულზე მომხდარისთანავე დაიწყო, თუმცა ჩვენი ინფორმაციით, დღემდე წინა ხანძრის გამომწვევი მიზეზებიც არ დადგენილა.
როგორც “გურია ნიუსთან” საუბარში, შემთხვევის ადგილზე მყოფმა რამდენიმე წყარომ აღნიშნა, არსებობს საფუძვლიანი ეჭვი, რომ ხანძარი ხელოვნურად გაჩნდა და შესაბამის სამსახურებსაც დაგვიანებით შეატყობინეს.
